Prizaun Becora rejista númeru kazu krime omisídiu aas
DILI, 01 setembru 2020 (TATOLI)- Dadus estatístika iha Prizaun Becora rejista númeru kazu aas maka krime omisídiu.
Notísia Relevante : Dadur iha Prizaun Becora Na’in 569
“Daudaun ne’e prizaun Becora iha dadur na’in-551 kompostu husi prizaun kondenadu 428 no prizaun preventiva 123. Husi númeru ne’e barak liu kazu omesídiu, segundu maka kazu violasaun seksuál no krime seluk tan ho númeru ki’ik,” informa Diretor Estabelesimentu Prizaun Becora, João Domingos, ba Agência Tatoli, ohin, iha Dili.
Nia hatutan, prizaun kondenadu no prizaun preventiva iha estabelesimentu Prizaun Becora mai husi area jurisdisaun Dili, Baucau, Oe-cusse no Suai.
João Domingos hateten, Prizaun Becora iha espasu natoon hodi akumula dadur sira hotu no númeru kazu ne’ebé kada tinan sempre aas presiza fó resposta husi Estadu no sidadaun tomak oinsá atu halo prevensaun nune’e bele redús.
Jornalista : Nelson de Sousa
Editór : Francisco Simões
