iklan

HEADLINE, SAÚDE

Projetu konstrusaun sala Laboratóriu Nasionál atinje 95 %

Projetu konstrusaun sala Laboratóriu Nasionál atinje 95 %

Fasilidade-sira iha Laboratóriu Nasionál Saúde. Imajen Tatoli/Nélia Fernandes.

DILI, 07 outubru 2020 (TATOLI)-Projetu konstrusaun sala laboratóriu patolojia no mikrobolojia iha Ospitál Nasionál Guido Valadares (HNGV-sigla portugés), daudaun ne’e atinje ona pursentu 95.

Projetu ne’e implementa husi Kompaña RMS ho Menzies ho durasaun fulan tolu hahú marsu to’o junu 2020 ho valór osan rihun  $ 350.

Notísia Relevante :Governu Lansa Konstrusaun Laboratóriu ba Teste COVID-19

Orsamentu ba obra ne’e, Ministériu Saúde hetan apoiu hosi Menzies Schooll of Research Darwin, Governu UK no Governu Austrália.

Diretora Laboratóriu Nasionál, Endang Soares, ba jornalista sira kuarta ne’e, hateten progresu ba implementasaun projetu ne’e atinje ona pursentu 95 no falta 5%.

”Agora iha 5% ne’ebé mak seidauk hotu mak atu hadi’a fatin resepsaun no fatin ba pasiente sira mai atu tuur no sei loke tan espasu inklui atu rezerva área reazentes konsumuveis ba teste sira ne’e entaun ida ne’e mak seidauk kompletu,’’ Ezekutivu ne’e dehan.

Tuir planu projetu ne’e sei halo lansamentu  iha loron ikus fulan-outubru 2020 nian.

Jornalista : Felicidade Ximenes

Editór :Agapito dos Santos

iklan
iklan

Leave a Reply

iklan
error: Content is protected !!