DILI, 19 novembru 2020 (TATOLI) – Dala-ida tan Lalenok United FC hatudu nia “glória” ho rezultadu jogu “fantástiku” manan FIEL FC ho score 12-0.
Notísia Relevante : Lalenok mantein nia glória “tebe-sai” Nagardjo 5-0
Duel iha Estádiu Munisipál Dili, ohin loraik, iha tasa 12 Novembru, époka ne’e, Lalenok United FC hatudu nia enérjiku tomak hodi “abate” treinadór Mohamad Nico nia-oan sira iha FIEL FC.
Golu haat hosi Daniel Adadi (77) iha minutu 24, ’42, ’66 ho ’88, nu’udar kontribuisaun espetákulu ba Lalenok United FC ho nia adeptu-sira.
Golu-sira ne’ebé lori Lalenok ba vitória kontribui mó hosi jogadór Zacarias Cabral (22) ‘1, Hermínio de Sousa (15) ‘9, Lourenco Freitas (19) ’13, Melchior Ribeiro (29) ’21, Santiago da Costa (9) ’28, Rofino Gama (11) ’65, Elias Mesquita (10) ’81 ho Fabio Christian (93) ’83.
Rezultadu ne’e halo Lalenok United FC afirma nia pozisaun hanesan klube jigante ida iha Timor-Leste, ne’ebé presta pontu istóriku ba Lalenok United FC iha mundu futeból Timor-Leste nian.
Jornalista : Hortencio Sanchez
Editór : Francisco Simões
