iklan

NASIONÁL, COVID-19, DILI, SAÚDE

Xina kontinua apoia TL kombate Covid-19

Xina kontinua apoia TL kombate Covid-19

Embaixadór Xina iha Timor-Leste, Xiao Jianguo. Imajen Tatoli/Egas Cristovão

DILI, 01 fevereiru 2021 (TATOLI) – Governu Xina liuhosi sira-nia embaixada iha Timor – Leste kontinua hatudu sira-nia prontidaun apoia Governu Timor-Leste atu luta kontra peste letál Covid-19.

“Ha’u ho Primeiru-Ministru ko’alia kona-ba situasaun ne’ebé mak iha no  Primeiru-Ministru hato’o obrigadu ba Xina ba suporta ne’ebé fó ba Timor no ha’u mós informa ba Primeiru-Ministru katak Xina sei kontinua apoiu Timor kombate Covid-19. Ami sei esforsu atu kontinua suporta Timor atu rekoopera ekonomia,” Embaixadór Xiao Jiangou, informa ba jornalista hafoin hasoru-malu ho PM Taur Matan Ruak iha Palásiu Governu, Dili, segunda ne’e.

Notísia Relevante : Governu Xina apoia uniforme ba Komandu PNTL

Nia dehan, daudaun ne’e Xina nia kompañia barak mak kaer projetu iha Timor-Leste lao di’ak no sira ladún preokupa ho projetu hirak ne’e, maibé preokupa liu oinsá halo prevensaun ba Covid-19.

“Kompañia Xina nian barak mak agora kaer projetu sira iha Timor hanesan konstrusaun, Estrada no seluk tan.  Buat sira ne’e importante, maibé importante liu mai ami agora mak oinsá ita prevene Covid-19,” nia hateten.

Notísia Relevante : Embaixada Xina apoiu $15,000,00 ba GAAC-PR

Jornalista   : Hortencio Sanchez

Editór        : Francisco Simões

 

 

iklan
iklan

Leave a Reply

iklan
error: Content is protected !!