iklan

EDUKASAUN, DILI

ESJ 5 de maiu utiliza fundu konsesaun $2.000 ba limpeza

ESJ 5 de maiu utiliza fundu konsesaun $2.000 ba limpeza

Kondisaun eskola 5 de maiu, Becora, Dili, bainhira akontese inundasaun iha 04 abríl liubá. Imajen Tatoli/Antonio Goncalves

DILI, 15 juñu 2021 (TATOLI) –   Diretór eskola Ensinu Sekundáriu (ESJ) 5 de maiu, Becora, Dili,  Manuel Verdial, informa ESJ 5 de maiu foti fundus konsesaun eskolár $2.000 hodi halo atividade limpeza iha eskola.

Notísia Relevante : Eskola 5 de maiu hahú foti dadus profesór no funsionáriu atu vasina

Orsamentu $2.000 ne’e utiliza hodi sosa tinta, simente, bee, máskara, inklui hahán ba estudante profesór no komunidade ne’ebé involve iha atividade limpeza ne’e.

“Ami hetan osan konsesaun eskolár hosi Governu atu responde nesesidade eskola nian, maibé atividade ensinu aprendizajen  prezensiál  letiva, nune’e  ha’u orienta hodi uza ba atividade limpeza,”  Manuel Verdial informa ba Agência Tatoli iha eskola 5 de maiu, Becora, Dili, tersa ne’e.

Diretór Manuel esplika osan $2.000 sira hasai hosi fundus konsesaun eskolár ne’e utiliza la hotu, maibé nia seidauk halo kalkulasaun no gastu sira ne’e nia sei relata iha relatóriu tuir mai atu konsellu profesór-sira bele informadu.

Nia mós akresenta katak atividade limpeza eskola realiza ona iha kinta semana kotuk depois fulan ida resin abandona tanba inundasaun hosi dezastre naturál iha 04 abríl liubá.

Jornalista : Tomé Amado

Editór       : Francisco Simões

iklan
iklan

Leave a Reply

iklan
error: Content is protected !!