Komisaun G husu Governu rezolve rede internet
DILI, 21 juñu 2021 (TATOLI) – Komisaun G Parlamentu Nasionál ba asuntu Edukasaun Sidadania husu ba Governu liuhosi Ministériu Transporte Komunikasaun (MTK) atu koopera ho operadór telekomunikasaun tolu hodi rezolve rede internet ne’ebé kualidade la di’ak.
Prezidente Komisaun G PN, António Verdial, rekoñese liña internet iha nasaun ne’e kontinua hasoru difikuldade maske iha ona operadór telekomunikasaun tolu maka ejerse hela sira nia funsaun hodi atende konsumidór-sira.
Operador telekomunikasaun tolu ne’ebé eziste legálmente iha Timor-Leste, maka hanesan Timor Telecom, Telkomcel ho Telemor.
“Ita nia liña internet to’o agora kontinua lao neineik ka lentu demais. Ita husu operadór Timor Telekom, Telkomcel no Telemor atu hadi’a sistema sira ne’e hodi bele fasilita sidadaun hotu, inklui estudante sira iha nasaun ne’e,” António Verdial hateten iha nia intervensaun iha plenária PN, segunda ne’e.
Jornalista : Tomé Amado
Editór : Francisco Simões
