DILI, 02 dezembru 2021 (TATOLI)—Reprezentante povu iha Parlamentu Nasionál husu Governu liuhosi Sekretária Estadu Arte no Kultura (SEAK) presiza prezerva obra hosi Grupu Arte Moris.
Notísia Relevante: MJ deside fó “loron tolu” ba grupu Arte Moris hamamuk fatin
“Arte no kultura ne’e importante atu konstrui sosiedade ida-ne’ebé sivilizadu no hatene nia pasadu. Tanba ne’e, nu’udar deputadu hato’o proposta ba Governu liu-liu atu oinsá buka fatin ida dignu ba Grupu Arte Moris, antes muda no fatin ne’ebá atu utiliza,” Prezidente Bankada PD, Mariano Assanami Sabino, hateten ba jornalista sira iha Parlamentu Nasionál, kinta ne’e.
Nia hatutan, Governu iha dever atu trata nia sidadaun sira oinsá trata no mudansa sira-ne’ebé iha ho dignu.
Asaun urjente mak tau fali sira-nia obra ba fatin ne’ebé dignu, fatin ba espresaun joven ka konstrui duni fatin hatudu sira-nia talentu no kapasidade liga ba arte no kultura.
“Iha konstrusaun Estadu tenke fó importante ba elementu hotu, ida mós arte tanba ne’e importante tebes hodi proteje kontrola hodi hatudu identidade labele lakon, hanesan pintura no sira seluk,” Assanami hateten.
Deputada CNRT, Veneranda Lemos, sente triste no husu Governu atu kria kondisaun no konserva arte no kultura ne’ebé obra sira ne’ebé grupu Arte Moris iha ba sensivilidade dezenvolvimentu karáter hosi joven sira.
Notísia Relevante: Arte Moris presiza fatin dignu
Tempu badak: Konsellu Veteranu sei utiliza edifísiu Arte Moris
Jornalista : Nelson de Sousa
Editór : Cancio Ximenes
