OPINIAUN

Ha’u mak Ó-nia diploma

Ha’u mak Ó-nia diploma

Ilustrusaun.

Hosi:

Dionisio de Jesus Lopes

 

Ha’u mak ó-nia Diploma…

Ha’u fó hanoin ó kona-ba loron dahuluk ne’ebé ó apreende hakerek no lee.

Memória sira ne’ebé ó hetan:

Bainhira ó planu atu kontinua ó-nia estudus hodi hetan ha’u.

Ó husu osan ba ema ruma hodi rejistu iha eskola ne’e.

Ó mai tuir orientasaun hodi kuiñese kle’an liu tan kona-ba eskola ida ne’e.

 

Ha’u mak ó-nia Diploma…

Ha’u fó hanoin ba ó kona-ba ó-nia aulas sira,

Ó-nia formadores sira nia métodu formasaun,

Ó-nia kolega sira-nia suportasaun tómak.

Ó-nia família sira nia sakrifisiu hotu.

Ó-nia-an rasik ne’ebé dalabarak maske hamrook, hamlaha, maibé nakonu ho korajen.

 

Ha’u mak ó-nia Diploma…

Ba ohin loron ha’u ko’alia ba ó liu husi ó-nia loron graduasaun,

Seremónia ne’ebé solemli tebes,

Ne’ebé dala balun karik ó hanoin katak loron ne’e hanesan mehi ida ba ó rasik.

Tamba ó-nia espéritu korajen ne’ebé ó iha.

Loron ida ne’e mundu sei kontente no sai sasin ba ó hodi hetan ha’u.

Loron ne’ebé udan mo’os sei tuun derepenti.

 

Ha’u mak ó-nia Diploma…

Ha’u hafoun ó-nia dignidade.

Simu ha’u ba ho laran luak.

Hakaat ba-oin nafatin…

Hodi serví ó-nia maluk sira

Ó -nia nasaun…

Ó-nia relijiaun…

Ó-nia sosiedade sivíl.

 

Ha’u mak ó-nia Diploma…

Bainhira ó monu ba ku’ak karik…

Keta haluha hamriik no la’o ho ó nia-ain rasik.

Ha’u sai no sei sai hanesan:

Xave ida ba ó-nia odamatan mundu nian…

Lampra ida atu ó sempre usa ha’u wainhira kalan bo’ot.

Ha’u duni mak ó-nia diploma, ó-nia direitu.

iklan
iklan

Leave a Reply

iklan
error: Content is protected !!