DILI, 09 dezembru 2021 (TATOLI)—Parlamentu Nasuionál aprova orsamentu Dotasaun ba todo Governu iha proposta lei Orsamentu Jerál Estadu 2022 iha espesalidade ho montante inisiál $260,841,120, ho rezultadu votasaun a-favór 44, kontra 0 no abstensaun 21.
Notísia Relevante: PN hasai millaun $25 hosi subsídiu alimentár ba funsionáriu públiku
“Ho nune’e, orsamentu ba todo Governu passa ho mós alterasaun millaun $25 ne’ebé ohin ita aprova hasai hosi programa agrikultura,” Prezidente Parlamentu Nasionál, Deputadu Aniceto Longuinhos Guterres Lopes, anunsia liuhosi plenária, kinta ne’e.
Governu liuhosi Ministériu Finansa prevee orsamentu iha Dotasaun para Todo Governu $260,841,120 ba tinan fiskál 2022, no hosi orsamentu ne’e aloka ba saláriu vensimentu $500,000, bens servisu $89,570,720, kapitál menór $336,600, kapitál dezenvolvimentu laiha, transferénsia públika $170,433,800.
Hosi orsamentu ba todo Governu ne’e, sei finansia ba programa ualu (8), sub-programa 17 no atividade 27.
Programa kontinjénsia sei gasta $29,500,000, programa jestaun finansa públika sei gasta $23,888,321, programa dezenvolvimentu rurál no urbanu sei gasta $13,130,000, programa polítika externa Timor-Leste sei gasta $500,000.
Nune’e mós, programa boa-governasaun no jestaun institusionál sei gasta $41,689,256, programa agrikultura sei gasta $25,000,000, programa igualidade jéneru no inkluzaun sosiál sei gasta $73,000,000 ho programa investimentu no diversifikasaun ekonómika sei gasta $54,133,543.
Programa jestaun finansa públika nia objetivu médiu prazu, lei fundu petrolíferu no modelu alokasaun estratéjika revistu ho nia sub-programa jestaun ativu movel no atividade jere no mantein veíkulu Estadu forma efikás no efisiente.
Sub-programa jestaun empréstimu ho nia atividade renbolsu empréstimu no jurus banku EXIM.
Sub-programa dotasaun todo Governu ho atividade subsídiu transporte ba RAEOA, provisaun ba pagamentu taxa bankária.
Sub-programa estatístika konfiavel prodús nia atividade prepara promove no jere atividade sensu 2022.
Programa dezenvolvimentu rurál no urbanu ho nia sub-programa organizasaun urbana nia atividade provizaun ba projetu integradu Cristo Rei.
Sub-programa dezenvolvimentu urbanu no rurál ho atividade fundu investimentu ba munisípiu Ataúro.
Programa kontijénsia ho nia sub-programa fundu kontijénsia nia atividade fundu resposta emerjénsia, resposta emerjénsia dezastre naturál.
Programa polítika externa Timor-Leste ho sub-programa kooperasaun rejionál no Asean nia atividade adezaun ba Asean.
Programa boa-governasaun no jestaun instituisionál ho sub-programa boa-governasaun no atividade inspesaun fiskalizasaun no auditória, apoiu jurídiku, viajen estranjeiru.
Sub-programa jestaun instituisionál nia atividade pensaun eis titulár membru orgaun soberania, parseria ho atividade kooperasaun no parseria,
Sub-programa realizasaun aktu eleitorál atividade implementasaun eleisaun prezidensiál.
Programa agrikultura ho sub-programa aumenta produsaun ai-han no ortikultura ho nia atividade sosa produtu agrikula ba subsídiu alimentár.
Programa igualidade jéneru no inkluzaun sosiál no sub-programa kontribuisaun Estadu ba rejime kontributivu seguransa sosiál no atividade kontribuisaun Estadu ba rejime kontribuitivu seguransa sosiál,
Sub-programa finansiamentu instituisaun konfisaun reliziosa ho atividadade kustu jestaun CET.
Sub-programa transferénsia orsamentu seguransa sosiál no atividade transferénsia ba rejime tranzitóriu seguransa sosiál, transferénsia rejime não contributivo de segurança social, transferénsia ba administrasaun sistema seguransa sosiál.
Programa investimentu no diversifikasaun ekonómika ho sub-programa diversifikasaun ekonómia nia atividade kapitalizasaun BCTL, apoiu kreditu universidade privadu, projetu integradu dezenvolvimentu aeroportu Dili.
Jornalista : Nelson de Sousa
Editór : Cancio Ximenes
