OJE 2022: PN aprova orsamentu adisionál millaun $7,5 ba Ministériu Defeza

DILI, 13 dezembru 2021 (TATOLI)-Parlamentu Nasionál iha debate proposta lei Orsamentu Jerál Estadu (OJE) 2022 espesilaidade aprova orsamentu ba Ministéiru Defeza ho montante inisiál $10,934,731 no aprova mós orsamentu adisionál millaun $7,5 ho votu a-favór 50, kontra 0 no abstensaun 14.
“Nune’e Orsamentu Jerál Estadu ba Ministéiru Defeza ho nia alterasaun proposta sira pasa,” Prezidente Parlamentu Nasionál, Deputadu, Aniceto Longuinhos Guterres Lopes, anunsia liu hosi plenária, segunda ne’e.
PN, aprova proposta númeru 155 títulu MD, kategória despeza kapitál menór progama ho kódiku 388 defeza nasionál dotasaun inisiál $1,761.642 ho alterasaun aumenta millaun $2 nune’e dotasaun finál $3,761.642.
Ho adisionál forma inisiativa kualifika salvaguarda akizisaun ekipamentu komunikasaun no viatura tátiku militár apoiu servisu operasionál F-FDTL.
Proposta númeru 80 kategória despeza bens servisu ho programa kodiku 388 kona-ba defeza nasionál dotasaun inisiál millaun $4,645.42 alterasaun aumenta tan millaun $3.500 nune’e dotasaun finál millaun $8,145.542, ho adisionál reparasaun no manutensaun ró Betano no Jaco ho Naval.
Proposta númeru 81 kategória despeza katipál dezenvolvimentu dotasaun inisiál millaun $1,490.250 alterasaun aumenta tan millaun $1 no adisionál ne’e sei halo estudu dezenvolvimentu F-DTL ba kurtu prazu ba kazerna ofisiál no sarjentu ba komponente sira no projetu militár sira seluk hanesan ponte no estrada, estudu postu fronteira terrestre Coba ho Altu Lebo, estudu kompañia militár setór súl iha Ainaro, viabilizasaun sentru lingua portugés iha sentru formasaun Metinaro.
Proposta númeru 82 kategória despeza kapitál dezenvolvimentu dotasaun inisiál millaun $1,490.250 alterasuan aumenta millaun $1.
Proposta 82 a, kategória despeza bens servisu iha proprama boa-governasaun instituisionál dotasaun insiál $1,582.662 alterasaun aumenta tan rihun $350 no adisionál ne’e atu utiliza ba fasilita delegasaun F-FDTL atu ba Brazil hodi partisipa estudu komparativu ho nasaun CPLP iha área defeza
Proposta n’e mai hosi Deputadu proponente José Agostinho Sequeira ‘Somotxo’, Elbina Sousa, Luis Roberto ho Aderito Hugo.
Nune’e ho aprovasaun orsamentu adisionál hamutuk millaun $7.5 ho tan montante proposta OJE 2022 ba MD ho montante inisiál antes ne’e no alterasaun sei iha aumenta.
Orsamentu tinan 2022, Ministéiru Defeza (MD) prevee $10,934,731 hodi aloka ba saláriu vensimentu $1,404,635, bens servisu $6,278,204, kapitál menór $1,761,642, kapitál dezenvolvimentu $1,490,250 no transferénsia públika laiha, no orsamentu ne’e finansia programa tolu (3), sub-programa lima (lima) no atividade 21.
Programa defeza nasionál sei gasta $8,796,389, programa boa-governasaun no jestaun instituisionál sei gasta $2,063,461 no programa igualdade jéneru no inkluzaun sosiál sei gasta $74,881.
Programa defeza nasionál ho nia objetivu médiu prazu populasaun Timor-Leste seguru no proteje konta ameasa externa.
Sub-programa defeza militár ho ninia atividade mak kooperasaun defeza militár, dezenvolve sistema komandu no kontrola, dezenvolve no kapasita sistema autoridade máritima, konstrusaun infraestrutura foun defeza no militár, akizasaun ekipamentu no materiál ba militár, reparasaun no manutensaun infraestrutura, ekipamentu no arma militár, reparasaun no manutensaun ekipamentu roo militár no atividade asisténsia saúde militár.
Sub-programa formasaun no dezenvolvimentu rekursu umanu iha área defeza no seguransa no nia atividade mak formasaun no kapasitasaun rekursu umanu Ministéiru Defeza no F-FDTL, rekrutamentu militár no funsionáriu Ministériu Defeza.
Entretantu, programa boa-governasaun no jestaun instituisionál ho nia sub-programa rua no atividade sia.
Programa igualidade jéneru no inkluzaun sosiál ho nia sub-programa implementasaun NAP-rezolusaun 1325 (2000) ONU kona-bá WPS, ho nia atividade promove lideransa no kapasidade feto iha F-FDTL, sosializasaun ba insetiva feto miliár implementa abordajen integradu igualidade jéneru.
Jornalista : Nelson de Sousa
Editór : Cancio Ximenes

