iklan

DEFEZA, HEADLINE

Lere husu membru serbí Estadu no instituisaun F-FDTL ho domin

Lere husu membru serbí Estadu no instituisaun F-FDTL ho domin

Xefe Estadu Maiór Jenerál F-FDTL, Tenente Jenerál Lere Anan Timur, Imajen TATOLI/Antonio Dasiparu

DILI, 06 janeiru 2022 (TATOLI)— Xefe Estadu Maiór Jenerál FALINTIL-Forsa Defeza Timor-Leste (F-FDTL), Tenente Jenerál Lere Anan Timur, husu ba membru militár sira atu serbí Estadu no Institusaun F-FDTL ho domin.

Tenente Jenerál Lere Anan Timur hato’o asuntu ne’e iha misa agradesimentu no reflesaun ba Natál 2021 no Tinan foun 2022, ne’ebé realiza iha Kuartél Jenerál F-FDTL, Fatuhada.


Xefe Estadu Maiór Jenerál F-FDTL, Tenente Jenerál Lere Anan Timur, ko’alia hela ho Maijór Jenerál sira iha Kuatél Jerál FFDTL Fatuhada, Imajen TATOLI/Antonio Dasiparu

“Ha’u husu ba militár sira hahú hosi ofisiál to’o  soldadu atu hadomi imi família no instituisaun F-FDTL atu serbí Estadu hodi sail utu ba povu ho di’ak,” Tenente Jenerál Lere, hateten iha ámbitu misa reflesaun, kinta ne’e.

Tenente Jenerál ne’e husu mós ba membru militár hotu atu halo reflesaun iha tinan foun 2022 hodi serbí instituisaun hanesan serbí família.

“Ita serbí Estadu no serbí institusaun ho domin no fuan ho laran, hanesan mós ita serbí ita nian família. Tanba família metin maka institusaun metin, familia metin mak Estadu metin,” nia afirma

Daudaun, Komandante Lere dehan, Veteranu sira ne’ebé sai superior iha instituisaun ne’e, komesa idade avansadu ona, ne’ebé husu jerasaun foun sira iha militár kontinua hatudu disiplina no loyalidade hodi sai lutu ba Estadu no povu.

“Lakle’ur ami tama ona ba idade reforma no ema sempre troka malu, maibe institusaun nafatin.  Tanba ne’e husu ba  imi ne’ebe sei kontinua iha ne’e, respeita no loyal ba imi nian superiór sira no mós  ba institusaun, hodi serbí institusaun ida ne’e ba oin ho di’ak liu”,  Veteranu tinan 24 ne’e enkoraja. 

Jornalista : Natalino Costa 

Editór       : Florencio Miranda Ximenes

iklan
iklan

Leave a Reply

iklan
error: Content is protected !!