Komisaun D PN rekomenda Autoridade RAEOA funsiona Aeroportu ‘Rota do Sândalo’
OEKUSI, 09 Outubru 2026 (TATOLI) – Membru Parlamentu Nasionál (PN) liuhusi Komisaun D, trata asuntu ekonómia no dezenvolvimentu, rekomenda ba Autoridade Rejiaun Administrativa Espesiál Oekusi Ambeno (RAEOA), atu funsiona nafatin aeroportu Rota do Sândalo, tanba tinan rua ona abandona hela.
Notísia relevante:Autoridade aeroportu Rota do Sândalo no Indonézia koordena Serbisu Tráfiku Aéreu
Vise-Prezidente Komisaun D, Manuel Hendrique Noronha, rekomenda perante audénsia públika ho Autoridade RAEOA hodi konfirma kona-ba ezekusaun Orsamentu Jerál Estadu (OJE) 2026 nian iha Oekusi, sesta ne’e.
“Ita haree vizitante menus, ita rekomenda oinsa maka Autoridade RAEOA, bele iha koordenasaun no ligasaun ho entidade sira atu funsiona nafatin aeroportu ne’e, tanba aeroportu Oekusi nia infraestrura di’ak tuir ona estandarte no di’akliu iha Timor-Leste, mezmu Dili no Suai iha, ne’ebé ita rekomenda ba Autoridade RAEOA atu garante nafatin nia sustentabilidade no promove kooperasaun di’ak ho entidade hotu, nune’e funsionamentu aeroportu la’o nafatin,” nia hateten iha salaun konvensaun Palaban.
Iha fatin hanesan, Deputada Virginia Ana Belo, husi bankada FRETILIN, reforsa-tan katak, Autoridade RAEOA iha kompeténsia atu integra iha Planu Asaun Anuál, nune’e bele kontribui reseita ba kofre Estadu.
“Ha’u hanoin Autoridade iha kompeténsia atu tau ba planu prioridade ona, nune’e nia funsionamentu kontinua la’o nafatin, ha’u dezafia Autoridade iha esforsu atu halo mudansa, tanba aeroportu ida tuir duni padraun, maibé sie iha husik de’it hanesan ne’e, oinsa maki ta bele hetan reseita ruma, tanba Governu gasta ona osan barak, entaun nia utilizasaun ne’e tenki iha,” nia rekomenda.
Notísia relevante:Governu analiza proposta sertifikasaun aeroportu internasionál Oekusi no Suai
Prezidente Autoridade RAEOA, Régio da Cruz Salu, rekoñese no triste tanba aeroportu ne’e ho fasilidade luxu no gasta ona osan barak maibé la utiliza ho di’ak, atu kontribui reseita ba kofre Estadu.
“Ita esforsa ona kona-ba aviaun ki’ik ZEESM ne’e nia dokumentu orijinál balu ita hetan ona agora iha hela prosesu investigasaun legál parte ida, maibé asset ne’e tenki uza ba ekonómia, tanba ne’e sei enkontru ho ekipa husi aeroportu iha opsaun tenki uza lalaís aeroportu ne’e, tanba tinan oin bainaka internasionál barak sei partisipa kongresu internasionál iha Oekusi, ne’ebé agora iha esforsa ba funsionamentu,” nia hateten.
Notísia relevante:Auditória finál ba aeroportu Oekusi ho objetivu prinsipál haat
Jornalista: Abílio Elo Nini
