Top

Sidadaun dupla kartaun eleitorál tanba mudansa atualizasaun dadus

Kartaun Eleitorál. Imajen Tatoli/Filomeno Martins.

DILI, 17 fevereiru 2022 (TATOLI)—Diretór Jerál Sekretariadu Tékniku Administrasaun Eleitorál (STAE), Acilino Manuel Branco hateten, sidadaun balun dupla kartaun eleitorál tanba prosesu mudansa atualizasaun dadus. 

“Iha prosesu atualizasaun dala ruma sempre iha mudansa iha ita-nia prosesu balun autoriza ema lori naran tutun (apalidu) feen ho laen nian antes oin seluk dala ruma mosu iha prátika kartaun rua ho naran la hanesan,” Acilino Manuel Branco informa ba Agência Tatoli iha nia knar fatin Caicoli, kinta ne’e. 

Bazea ba lei resensimentu eleitorál artigu 65 alinea 2 hateten sidadaun sira atu hetan de’it kartaun eleitorál ida, no la ko’alia kona-ba sidadaun sira dupla kartaun.

Prosesu atendimentu lei haruka katak atualiza kada eleisaun. Akontesementu hanesan ne’e ema ida-idak tenke halo reklamasaun hodi halo ajustamentu ba iha kazu hanesan ne’e depois hatene loos númeru refere ba ema seluk. 

“Ema ida-rua númeru hanesan ita tenke kruza ho evidénsia kartaun loloos  hodi kruza ba iha sistema atu haree ida-ne’ebè hetan uluk sei konsidera ida seluk, prense formatu atualizasaun bele emite kartaun ho númeru la hanesan tanba fallansu tékniku,” nia hateten. 

Tékniku STAE halo atendimentu iha munisípiu to’o iha Postu, iha ámbitu eleisaun mínimu sidadaun 200 dala ruma mós akontesimentu hanesan ne’e maibé ideal tuir lei ema ida tenke nùmeru ida, atu hateten ida-ne’e kazu sira mós rona teknikamente resolve.

“Primeiru kartaun eleitorál, intituisaun STAE mak emite maibé atu komprova ema ida kartaun eleitorál rua ne’e tenke hatudu evidénsia. Dala ruma mosu ho kopia de’it,  la bele komprova nia  autentidade kona-ba kartaun eleitorál rasik. Ita presiza hatene informasaun ho loloos,” nia dehan.

Antes ne’e, iha loron 09 fulan-fevereiru 2022, Diretór Sekretariadu Tékniku Administrasaun Eleitorál (STAE) Covalima, Francisco Gusmão, informa iha prosesu resensiamentu eleitorál durante ne’e STAE Covalima rejista sidadaun na’in-11 mak dupla kartaun eleitorál.

Notísia Relevante: STAE Covalima identifika sidadaun na’in-11 dupla kartaun eleitorál

Jornalista : Celestina Teles

Editór       : Cancio Ximenes 

Publisidade

Leave a Reply

Latest Post

error: Content is protected !!