Top

PN kontinua adia diskusaun rezolusaun solidariedade ba Ukránia

Plenária Parlamentu Nasionál. Imajen Tatoli/António Gonçalves.

DILI, 14 marsu 2022 (TATOLI)—Tuir ajenda Parlamentu Nasionál, segunda ne’e halo diskusaun no votasaun projeitu rezolusaun PN númeru 89/V (4a) kona-ba krize iha Ukránia, maibé la prenxe korum entaun diskusaun ne’e kontinua adia.

Notísia Relevante: La prenxe korum, PN adia diskusaun rezolusaun solidaridade ba Ukráina

“La prenxe Korum entaun diskusaun ida-ne’e ita adia fila-fali ba iha plenária tersa (16/03) aban,” Prezidente Parlamentu Nasionál, Aniceto Longuinhos Lopes, anunsia iha sala plenária.

Tuir observasaun Agéncia Tatoli reuniaun plenária períodu antes orden do dia, segunda ne’e hafoin intervalu tama fali iha tuku 12h40 iha sala plenária hodi kontinua períodu orden do dia, maibé sala plenária deputadu hosi CNRT maiória aujente inklui deputadu bankada Governu balun.

Tuir rejimentu Parlamentu Nasionál katak funsionamentu iha plenária ne’e minimu Deputadu na’in-23, maibé ba korum deliberativu katak atu halo votasaun ruma ne’e, presiza iha Deputadu na’in-33 mak foin bele halo votasaun ba rezolusaun ruma ka lei ruma ne’ebé iha.

Enkuantu, iha 09 marsu ne’e, Governu liuhosi reuniaun Konsellu Ministru (KM) aprova projetu rezolusaun Governu kona-ba fornesimentu donativu ho valór misaun $1,5 ba programa ai-han mundiál Nasaun Unida (WFP, siglá inglés) atu bele kontribui ba ajuda umanitária ba povu ukranianu.

Jornalista : Nelson de Sousa

Editór       : Cancio Ximenes

Publisidade

Leave a Reply

Latest Post

error: Content is protected !!