DILI, ELEISAUN, POLÍTIKA

Dirijente CNRT husu militante kria pás iha kampaña eleitorál

Dirijente CNRT husu militante kria pás iha kampaña eleitorál

Kordenadór kampana kandidatu Prezidente Repúblika períodu 2022-2027 Jo’e Ramos Horta, Francisco Kalbuadi ho nia ekipa halo konferensia impresa iha Bairru dos Glillos, segunda (11/4/). Imajen Tatoli/Antonio Dasiparu.

DILI, 11 abríl 2022 (TATOLI)—Sekretáriu Jerál Partidu Congresso Nacional Reconstrução Timorense (CNRT), Francisco Kalbuady Lay, apela ba militante no apoiante atu mantein dixiplina hodi kria pás no estabilidade iha kampaña eleitorál ho tipu komisu iha segundu volta ne’ebé sei hala’o iha Tasi-Tolu, tersa (12/04) aban.

Notísia Relevante: Ramos Horta no Governu sei dezenvolve ekonomia interligada iha munisípiu tolu  

Kordenadór kampana kandidatu Prezidente Repúblika períodu 2022-2027 Jo’e Ramos Horta, Francisco Kalbuadi ho nia ekipa halo konferensia impresa iha Bairru dos Glillos, segunda (11/4/). Imajen Tatoli/Antonio Dasiparu.

“Aban kampaña ikus kandidatu Prezidente Repúblika, José Ramos Horta, iha Tasi-Tolu tuku 14h00 to’o 18h00. Nune’e, ha’u husu militante, apoiante, movimentu hotu, no partidu seluk hanesan PD atu kria pás. Husu, atu iha mobilizasaun durante kampaña atu respeita sinál tánzitu ka lei kódigu, labele monu ba provokasaun hodi hamosu disturbu ne’ebé bele prezudika estabilidade iha kapitál Dili,” Kalbuady hateten liuhosi konferénsia imprensa ba jornalista sira iha sede CNRT, Bairru dos Grilhos, segunda ne’e.

Tuir nia, mobilizasaun militante no apoiante sei mobiliza hosi kada postu administrativu sira, nun’e husu militante no apoiante sira hotu atu kria ambiente dixiplina, respeita malu no kria pás durante halaó kampaña to’o ramata.

Sekretáriu Jerál Partidu ne’e agradese ba parte hotu nia apoiu durante períodu kampaña segunda volta, ne’ebé hahú halo abertura iha RAEOA to’o munisípiu Lautém ne’ebé la’o ho dame.

Nia apela mós ba militante no apoiante hotu atu iha loron 19 abríl ne’e atu ezerse nafatin direitu ba vota hodi hili kandidatu Prezidente Repúblika períodu 2022-2027 ho númeru sorteiu dahuluk, José Ramos Horta.

Notísia Relevante: PDRT apoiu Ramos Horta ba eleisaun segunda volta

Jornalista : Nelson de Sousa

Editór      : Cancio Ximenes

iklan
iklan

Leave a Reply

iklan
error: Content is protected !!