iklan

DILI

Governu Timor-Leste no Portugal asina konvensaun ba Seguransa Sosiál

Governu Timor-Leste no Portugal asina konvensaun ba Seguransa Sosiál

Vise Primeiru-Ministru no Ministra Solidariedade Sosiál no Inkluzaun (MSSI), Armanda Berta dos Santos ho Sekretáriu Estadu Seguransa Sosiál Portugal, Gabriel Bastos, asina konvensaun ba Seguransa Sosiál, iha MSSI Caicoli, Dili. Imajen/Espesiál.

DILI, 30 juñu 2022 (TATOLI)—Vise Primeiru-Ministra no Ministra Solidariedade Sosiál no Inkluzaun (MSSI), Armanda Berta dos Santos ho Sekretáriu Estadu Seguransa Sosiál Portugal, Gabriel Bastos, asina konvensaun ba Seguransa Sosiál, iha MSSI Caicoli, Dili.

“Ohin ita hala’o asina konvensaun bilaterál ida entre Timor-Leste ho Portugál kona-ba sistema Seguransa Sosiál nian. Iha Seguransa Sosiál iha buat rua de’it, rejime kontributivu no naun kontributivu. Tanba ne’e, timoroan sira-ne’ebé mak servisu iha Portugál no sidadaun portugál ne’ebé mak servisu iha Timor-Leste, atu sira-nia direitu labele lakon no iha futuru sira-nia direitu sei proteje no asegura ba prestasaun servisu ne’ebé mak sira hala’o,” Armanda berta dso Santos hateten liuhosi komunikadu imprensa ne’ebé Agência TATOLI asesu, kinta ne’e.

Nia dehan, ba oin Portugál no Timor-Leste sei haree ninia implementasaun tanba objetivu husi asina konvensaun ne’e atu bele proteje no asegura direitu ba traballadór Timoroan sira-ne’ebé hala’o servisu iha Portugál no mós traballadór Portugál ne’ebé hala’o servisu iha Timor-Leste. Durasaun konvensaun vale ba tinan lima nian,” nia dehan.

Sekretáriu Estadu Seguransa Sosiál Portugál, Gabriel Bastos hateten, liuhosi asina konvensaun ne’e bele proteje traballadór Portugál ne’ebé servisu TL no traballadór TL ne’ebé servisu iha Portugá.

“Konvensaun ne’ebé mak ohin asina ho objetivu atu hahú kordena sistema Seguransa Sosiál ba nasaun Timor-Leste no Portugál no mós premite traballadór Portugál ne’ebé mai servisu iha Timor-Leste no Traballadór Timor-Leste ne’ebé mak hala’o servisu iha Portugál bele garante no proteje sira-nia direitu liga ho prestasaun sosiál,” nia dehan.

Jornalista : Osória Marques

Editór       : Cancio Ximenes

iklan
iklan

Leave a Reply

iklan
error: Content is protected !!