DILI

JICA apoiu millaun $1 ba PARCIC implementa programa dezenvolvimentu ekonómiku

JICA apoiu millaun $1 ba PARCIC implementa programa dezenvolvimentu ekonómiku

ONG PARCIC Timor-Leste hala’o enkontru ho grupu kooperativu feto sira iha suku Biqueli-Ataúro kona-ba prosesu produsaun produtu FURIKAKE. Imajen/ONG Parcic.

DILI, 15 agostu 2022 (TATOLI)—Agência de Cooperação Internacional do Japão (JICA), apoiu osan millaun $1 ba Organizasaun Naun Governmentál PARCIC atu implementa programa Dezenvolvimentu Ekonómiku iha Área Rurál ba grupu kooperativu feto iha munisípiu ualu (8).

Diretora Nasionál PARCIC, Junko ITO, hateten ONG oferese fundu hosi JICA nian ne’e atu dezenvolve ekonómia ba feto iha área rurál sira.

Iha tinan 2002, servisu hamutuk ho grupu kooperasaun iha munisípiu ualu hanesan Aileu, Ainaro, Baucau, Liquiça, Bobonaro, Covalima, Ermera no Covalima.

“Ami servisu makaas ho grupu kooperasuan feto atu mellora liután programa EDRA iha munisípiu ualu (8),” Junko ITO hateten Agência Tatoli, iha nia kna’ar fatin Audian, Dili.

Grupu sira-ne’e servisu atu prodús kafé ho xhá iha área alvu sira hanesan kooperativa kafé COCOMAU Arábika iha Ainaro no dala ruma iha munisípiu seluk hanesan munisípiu Ermera, Ponilala nian ne’ebé hanaran kooperativa Kohar no sira mós prodús kafé Rebbusca.

Nia dehan, grupu sira-ne’e iha progresu di’ak no prodús marka foun ida mak “AMORA TIMOR” ne’ebé koñesidu iha mudu. Nia mós iha reputasaun no reasaun di’ak ba komsumidór hotu-hotu iha merkadu doméstiku no internasionál.

Maibé grupu feto sira-ne’e mós prodús ona pordutu oin 50 ne’ebé mak la hanesan, hanesan marmelada moringa, punking, xhá, óleo de coco virgem, mel, banana críptica, item de cozinha, pasta de amendoim.

Nia dehan, produtu hirak-ne’e disponivel iha merkadu internu, supermerkadu no ba nasaun sira.

ONG ne’e iha planu estratéjiku atu grupu kooperativa sira tau importansia ba sira-nia produtu iha nasaun sira.

Ida-ne’e ho nia objetivu atu hetan produtu barak iha merkadu ho eskala kiik no daudaun ne’e, grupu kooperativa feto liuhosi PARCIC hodi esporta kafé ho chá ba Japaun.

Jornalista : Osória Marques

Editór       : Cancio Ximenes

iklan
iklan

Leave a Reply

iklan
error: Content is protected !!