iklan

EKONOMIA, BOBONARO, HEADLINE, MUNISÍPIU

Governu sei konstrui uma ‘Naroman ba Povu’ 300 iha Dili

Governu sei konstrui uma ‘Naroman ba Povu’ 300 iha Dili

Ministru Administrasaun Estatál, Miguel Pereira de Carvalho. Imajen TATOLI/Francisco Sony

BOBONARO, 29 agostu 2022 (TATOLI)-Ministru Administrasaun Estatál, Miguel Perreira de Carvalho, fó-sai katak, iha tinan 2023 ne’e VIII Governu Konstituisionál sei konstrui uma “Naroman ba Povu” hamutuk unidade 300 iha munisípiu Dili.

Nia haktuir, iha tinan ida-ne’e moos governu hahú konstrui uma hamutuk unidade 80 iha munisípiu Dili ba komunidade afetadu sira hosi kalamidade 04 abríl 2021 liubá.

Notísia relevante: Semana oin, AMD halo sensibilizasaun ba komunidade utiliza semitériu públiku Metinaro

“Ministériu planeia ona atu konstrui iha tinan oin ho kuantidade oituan, ha’u hanoin mínimu uma 300, uma Naroman ba povu iha Dili, fahe ba suku hotu-hotu, ne’ebé balu bele hetan 10 no balu bele hetan 10 ba leten,” nia informa ba Jornalista sira, iha suku Cowa, postu administrativu Balibo, munisípiu Bobonaro, segunda ne’e.

Governante ne’e akresenta, governu hahú tau prioridade ba munisípiu Dili, tanba durante tinan rua nia laran implementa programa Uma Kbiit Laek (UKL) komunidade sira hela iha kapitál nasaun ne’e ladauk hetan oportunidade hosi governu.

Notísia relevante: AMD sei reativa PMOPA iha postu adminsitrativu lima

Jornalista: Sérgio da Cruz

Editór: Evaristo Soares Martins

iklan
iklan

Leave a Reply

iklan
error: Content is protected !!