iklan

DEFEZA

Ministru Filomeno Paixão sei akompaña Xefe Estadu vizita Austrália

Ministru Filomeno Paixão sei akompaña Xefe Estadu vizita Austrália

Prezidente Repúblika, José Ramos-Horta, hanesan Komandante Supremu Forsa Armada nian, akompaña hosi Ministru Defesa, no Ofisiál Komandante F-FDTL sira, observa ekipamentu sira ne’ebé Forsa Defesa sira, iha Kuartel Jenerál F-FDTL iha Fatuhada, segunda (04/07). Imajen Tatoli/António Daciparu

DILI, 01 setembru 2022 (TATOLI)—Ministru Defeza (MD), Filomeno da Paixão de Jesus, sei akompaña Xefe Estadu, José Ramos Horta, hala’o vizita estadu ba Austrália.

Notísia Relevante: PR Horta vizita Austrália sei ko’alia prosesu dezenvolvimentu Greater Sunrise

“Ohin hasoru malu ho Prezidente Repúblika tanba Prezidente mak husu kona-ba vizita PR ba Austrália ne’ebé husu ha’u akompaña hola parte mós iha delegasaun,” Filomeno da Paix~ao de Jesus, hateten ba jornalista sira hafoin ramata enkontru ho Xefe Estadu iha Palásiu Prezidensiál Nicolau Lobato, Bairru Pite, kinta ne’e.

Bibán ne’e, Governante ne’e atualiza kooperasaun servisu iha área defeza no militár ne’ebé Timor-Leste iha ho Austrália durante ne’e ba Prezidente Repúblika hodi bele hatene.

Briefing mós Prezidente iha área defeza no militár ho Austrália liu-liu kona-ba kooperasaun sira ne’ebé ita iha la’o to’o ona iha ne’ebé, nune’e PR bele hatene hanesan patrulla konjunta, treinu konjuntu, ita haruka ita-nia soldadu hosi mariña ba iha ne’eba. Ita tuir patroilamentu ne’ebé australianu sira lori iha parte tasi súl, nune’e mós sira sa’e aviaun halo parte akompaña halo vijilánsia iha kosta súl, ida ne’e ita la’o hela tinan ida dala-rua,” nia dehan.

Aleinde ne’e, pretende atu iha akordu kooperasaun militár ho SOFA ne’ebé oras ne’e la’o ba-mai hela entre prezidénsia ho Ministéiru Negósiu Estranjeiru no Kooperasaun (MNEK) no Defeza, espera katak ohin lorokraik ne’e PR hatán mak ba iha ne’eba bele asina.

Ne’ebé, tuir ajenda PR sei iha atvidade lubun ne’ebé sei ba to’o iha Canberra no Sidney no Ministru Defeza planea mós sei ba to’o iha Perth hodi haree prosesu kontrusaun ró rua ne’e.

“Iha mós konvite husu Governu Australianu se bele ha’u ba to’o Perth haree konstrusaun ita-nia ró ahi rua ne’e, nune’e se Prezidente fila ha’u bele ba to’o liu tiha Perth,” nia dehan.

Jornalista : Nelson de Sousa

Editór       : Cancio Ximenes

iklan
iklan

Leave a Reply

iklan
error: Content is protected !!