iklan

EKONOMIA, BOBONARO, HEADLINE, MUNISÍPIU

INSS aprova lista adisionál idozu no invalides na’in-324 iha Bobonaro

INSS aprova lista adisionál idozu no invalides na’in-324 iha Bobonaro

Diretór Sentru Solidariedade Sosiál no Inkluzaun munisipiu Bobonaro, Francisco da Costa Tilman. Imajen Tatoli/Sérgio da Cruz.

BOBONARO, 05 setembru 2022 (TATOLI)- Diretór sentru solidariedade sosiál no inkluzaun munisípiu Bobonaro, Francisco Tilman, esplika, Insititu Nasionál Seguransa Sosiál (INSS) aprova ona lista adisionál benifisiáriu idozu no invalides hamutuk na’in-324 iha munisípiu Bobonaro ba pagamentu subsidiu faze dahuluk iha tinan 2022.

Diretór ne’e akresenta, benifisiáriu hirak-ne’e tama iha lista adisionál tanba submete dukumentu tarde, entaun halo ekipa sentru solidariedade sosiál no inkluzaunnkluzaun mós aprezenta ba nasionál atraza nune’e la konsege halo pagamentu hamutuk no benefisiáriu stuan ne’e.

Notísia relevante: BNCTL Maliana muda oráriu pagamentu ba idozu no invalidés

“Lista adisionál ne’ebé foin aprova ne’e iha 324, signifika sira-nia naran aprova, osan mós aprovadu, mesmu ke tarde sira bele foti osan iha fulan-setembru nia laran,” nia informa ba Jornalista sira, iha kna’ar-fatin, Maliana, segunda ne’e.

Daudaun ne’e prosesu pagamentu faze dahuluk ba suku  la’o hela iha postu administrativu Lolotoe no tuir planu sei finaliza iha tempu badak.

Nia dehan, idozu no invalides ne’ebé hakarak foti sira-nia direitu bele prodús kartaun Automatic Teller Machine (ATM) iha Banku Nasionál Komérsiu Timor-Leste (BNCTL, sigla portugues) sukursál Maliana, ne’ebé lokaliza besik merkadu sentrál Maliana, suku  Lahomea.

“Ami husu benefisiáriu idozu no invalides sira, atu aguenta oituan, maibé iha fulan-setembru nia laran ne’e imi bele foti ona osan, karik balu hela distánsia dook  bele mai foti iha dezembru,” nia apela.

Maske prosesu pagamentu dahuluk iha ona faze finalizasaun, maibé iha benifisiáriu lubuk ida mak seidauk hetan sira-nia direitu.

“Ami seidauk iha dadaus serteza, maibé kada suku ida na’in tolu, na’in haat to’o na’in-lima, sira-ne’e mak seidauk simu iha etapa dahuluk tanba deit sira-nia dokumentu ha’u mai check fali iha-ne’e laiha, signifika dokumentu sira-ne’e pesoál sira entrega ba suku, xefe suku sira la konsege lori mai hotu,” nia dehan.

Responsável másimu Sentru solidariedade sosiál no inkluzaun munisípiu Bobonaro ne’e apela ba inan-aman no invalides sira atu aprezenta fali dukumentu,  ekipa sira halo atendimentu kada fulan hahú hosi loron 01 to’o loron 10 setembru, tanba tuir prosesu iha iha loron 15 setembru dadus hirak-ne’e  INSS hahú hatama ona ba sistema.

“iha loron 18 setembru ne’e konta tenke ser taka, entaun ita-nia dukumentu sira-ne’e ita tenke submete hotu ba nasionál antes loron 15 atu sira verifika, kuandu loos ona hetan aprovasaun osan tama ona ba konta idak-idak,” nia katak.

Ministériu Solidariedade Sosiál no Inkluzaun (MSSI) halo pagamentu faze dahuluk tinan 2022 ba benifisiáriu hamutuk na’in-9.955.

Dadus hirak-ne’e mai hosi postu administrativu Lolotoe na’in-8.064, Cailaco 1,12, Maliana 2,231. Nune’e mós Balibo 1,504, Atabae 1,806 no postu administrativu Bobonaro na’in 2,858 ho totál orsamentu $2,896,500.

Notísia relevante: Governu halo pagamantu ba idozu no invalidéz 314 iha Lahomea

Jornalista: Sérgio da Cruz

Editór: Evaristo Soares Martins

iklan
iklan

Leave a Reply

iklan
error: Content is protected !!