Top

CI rejista jornalista 356 simu ona kartaun profisionál

Prezidente Konsellu Imprensa, Virgílio da Silva Guterres. Imajen TATOLI/Francisco Sony.

DILI, 09 setembru 2022 (TATOLI)—Prezidente Conselho de Imprensa (CI), Virgilio da Silva Guterres, hateten CI rejista jornalista na’in-356 ne’ebé simu ona kartaun profisionál no jornalista na’in-lima (5) mak entrega fali kartaun profisionál ba Conselho de Imprensa.

Notísia Relevante: MAPKOMS husu ema-ne’ebé la’ós jornalista entrega fali karteira profisionál

Jornalista na’in lima ne’e entrega hikas karteira profisionál hafoin hetan notifikasaun hosi Coselho de IMprensa tanba sira husik ona kna’ar jornalista nian hodi ba hala’o servisu hanesan ofisiál relasaun públika iha instituisaun Estadu.

“Hosi jornalista na’in-lima ne’ebé entrega kartaun profisionál ba CI tanba sira servisu ona ofisiál relasaun públika iha instituisaun Estadu,” Prezidente CI hateten ba Agência Tatoli, iha Quintal Boot, Dili.

Dirasaun Komunikasaun Sosiál no Monitorizasaun CI nian, kontinua fó oportunidade ba jornalista sira atu rejista hodi hetan kartaun profisionál, tanba dirasaun ne’e mak akompaña estájiuáriu no fó teste atu hetan kartaun profisionál.

Nia informa, jornalista na’in-lima ne’ebé foin lalais entrega fali kartaun profisionál ba CI mak Eugenio Pereira no João António husi SMNEWS, Julio dé Jesus hosi RTTL, Armenio dos Santos hosi TV Gardamor, Juliao dé Andrade hosi Radio komunidade Aileu.

Entretantu, iha Lei Komunikasaun Sosiál, artigu 17 kona-ba inkompatibilidade sira, iha alínea 1 hateten profisaun jornalista nian labele hala’o hamutuk ho funsaun hirak tuir mai; funsionáriu públiku; kaer kargu ruma iha órgaun soberania ida, iha órgaun podér lokál sira ka iha lideransa komunitária; dirije partidu polítiku; relasaun públika ka asesór imprensa, komunikasaun no imajen; kualkér atividade ida-ne’ebé atu promove ben no servisu sira hanesan publisidade.

Iha nafatin artigu 17, iha alínea 3 haktuir bainhira hala’o funsaun hirak ne’ebé hakerek ona iha númeru 1, ema profisionál ne’e tenke fó fila-fali títulu identifikasaun nian ne’e, ba iha Conselho de Imprensa, nune’e nia labele hala’o atividade jornalístiku .

Jornalista : Osória Marques

Editór      : Cancio Ximenes

Publisidade

Leave a Reply

Latest Post

error: Content is protected !!