DILI

Forum PeaceJam mak inspira foinsa’e-labarik sira iha futuru

Forum PeaceJam mak inspira foinsa’e-labarik sira iha futuru

Diretora Ezekutiva ONG ba Futuru, Juliana de Oliveira Marcal. Imajen Tatoli/Francisco Sony.

DILI, 21 setembru 2022 (TATOLI)—Diretora Ezekutivu ONG Ba Futuru, Juliana de Oliveira Marcal hateten, Forum PeaceJam ne’e nu’udar atividade ida hosi programa sira ba futuru nian, hodi inspira foinsa’e no labarik sira ba futuru.

Programa ne’e labarik hamutuk 85 mak envolve ona iha atividade refere tantu individu no grupu, ne’ebé maihosi munisípiu Lautém, postu adminiatrativu Lautém ho Luro no munisipiu Dili, postu administratvu Dom Aleixo, suku Comoro, aldeia Golgota.

Hosi projetu sira-ne’ebé envolve foinsa’e sira durante tinan 2022 nia laran ba periódu ne’e simu ona formasaun iha área abilidade moris nian, lideransa, haforsa ekonómia, abilidade teatru no kurriulu PeaceJam. Programa ne’e akompania másimu hosi ekipa GNO fuutru nian.

“Hafoin simu tiha formasaun, foin-sa’e sira husi komunidade Lautem kolabora hamutuk hodi hari’i jardin ba pás iha sira-nia suco, pinta moru iha sira nia sede suku no aldeia, kria fatin ba lixu no mós halo lutu ba fatin públiku balu iha sira-nia komunidade”, nia dehan jornalista sira, hanoin partisipa formasaun kreativu joven sira hodi halo mudansa ba ekonómia família, iha ONG ba Futuru Comoro, Dili, kuarta ne’e.

Enkuantu foinsa’e sira husi komunidade Aldeia Golgota hamutuk-25, hafoin simu tiha formasaun kona-ba Kurrikulu PeaceJam, sira kolabora hamutuk ho ba futuru nia fasilitadór hodi hari’i Peace Garden (Jardin ba Pás) iha ONG Ba Futuru nia edifísiu oin.

Atividade sira-ne’ebe mak foinsa’e sira halo ona ne’e, nu’udar kreatividade ida no meiu atu inspira foinsa’e sira seluk hodi haburas unidade liuhosi espasu pozitivu ida-ne’e, tanba ne’e formasaun ida-ne’e bele ajuda sira hodi kompreende kona-ba oinsá bele hasoru problema no konflitu sira-ne’ebé akontese iha sira-nia moris liuhosi rezolve ho dame.

ChildFund Timor-Leste mak doadór primeiru ho finansiamentu hosi Agiamondo no Oaktree ne’ebé suporta forum ida-ne’e liuhosi fó apoiu projetu ba futuru nian ida ho naran “Inspira Foin-sa’e ba Mudansa”.

Objetivu hosi forum atu enkoraja no inspira foinsa’e sira liuhosi fahe esperiénsia inovativu, nune’e mós enkoraja foin-sa’e sira hodi haburas unidade iha sosiedade ba dezenvolvimentu nasaun ho dame, kreativu no produtivu.

Atu garante forum ne’e la’o ho dinámiku, ONG Ba Futuru mós servisu hamutuk ho parseiru sira hanesan Sekretáriu Estadu Juventude no Desportu (SEJD), Komisaun Nasionál Juventude Timor-Leste (CNJTL), PERMATIL, CODIVA, CNC, Knua Juventude Fila Liman, inklui mós individu no grupu foinsa’e balun ba iha forum ida-ne’e.

Jornalista : Osória Marques

Editór      : Cancio Ximenes

iklan
iklan

Leave a Reply

iklan
error: Content is protected !!