iklan

EDUKASAUN, BOBONARO, HEADLINE, MUNISÍPIU

MEJD sei kontrata profesór voluntária 2.111

MEJD sei kontrata profesór voluntária 2.111

Vise-Ministru Edukasaun Juventude no Desportu, António Guterres. Imajen TATOLI/Francisco Sony.

BOBONARO, 23 setembru 2022 (TATOLI)-Ministériu Edukasaun, Juventude no Desportu (MEJD) sei kontrata profesór voluntária na’in-2.111 iha tinan ida-ne’e.

Vise MEJD, António Guterres, informa, ministériu sei fó kontratu ba profesór voluntária hamutuk na’in-2.111 molok termina tinan 2022 ho estatu ba profesór kontratadu.

Nia aprezenta dadaus ne’e iha ambitu dialogu nasionál ne’e entre oranizasaun sosiedade sivíl ho VIII governu Timor-leste,ne’ebé realiza iha Foho Loe-Lacu hun área Poerema,aldeia Liabote,suku Meligo,postu administrativu Cailaco,munisípiu Bobonaro kinta ne’e. hodi hatan ba preukupasaun sosiedade sivíl nia konabá professor barak idade la produtivu ona mos sei kontinua ativ hela servisu.

Ezekutivu ne’e haktuir, daudaun ne’e ekipa MEJD halo ona segunda faze verifikasaun dukumentu ba profesór voluntáriu 5.588, maibé vagatura ne’ebé ministériu loke tuir orsamentu orsamentu jerál estadu 2021 aprova 975.

Notísia relevante: MEJD kontinua halo esforsu ba estatutu profesór kontratadu

“Sira 975 ne’e tanba kestaun sira-ne’ebé mate, hetan pensaun, no sira-ne’ebé rejigna-aan lakohi sai mestri muda fali ba instituisaun seluk. Ezemplu balun ba administradór postu, xefe suku no seluk, hamutuk na’in-1.136, ne’ebé ita ajusta ho 975, entaun ita garantia antes fim do ano ita sei fó kontratu hamutuk 2.111,” Vise Ministru António Guterres, ko’alia iha ámbitu diálogu nasionál entre sosiedade sivíl ho governu, ne’ebé realiza iha foho Loe-Lacu, área Poerema, aldeia Liabote, suku Meligo, postu administrativu Cailaco,bmunisípiu Bobonaro, kinta ne’e.

Governante fó-sai asuntu ne’e hodi hatán ba preokupasaun sosiedade sivíl nian kona-bá profesór barak idade la produtivu ona mós sei kontinua ativu hela.

Governante ne’e salienta, kontratu ne’e foin akontese primeiru vez, tanba dezde tinan 2013 kedas governu seidauk halo rekrutamentu.

“Tuir lei baze edukasaun fó kompeténsia ba ministériu edukasaun, loloos ne’e kada tinan iha 200-resin ba rekrutamanetu konkursu pur méritu, maibé hahú kedas hosi ne’e ba-mai, ita só akontese de’it iha 2019, ne’ebé konsege rezolve na’in-408, tanba ne’e uluk iha reklamante barak, maibé ita konsidera hotu iha tinan ne’e,” nia dehan.

Nia haktuir, tuir dadus ne’ebé iha Profesór ne’ebé idade liu ona reforma hamutuk na’in-2.060 iha territóriu nasionál mak ativu hela.

“Kestaun reforma ne’e lei la obrigatóriu ba profesór sira atubele iha funsaun públika, maibé hosi dadus ne’ebé iha 2,060 mak liu ona idade reforma,” nia fó-sai.

Daudaun ne’e profesór hosi rejime permanente na’in-10.053 no profesór kontratadu hamutuk na’in-5.203, maibé balu mate ona nune’e sei iha de’it na’in-4.902.

Enkuantu hosi númeru ne’e mós durante tinan 20 nia laran to’o ohin loron  rejista profesór kuaze 840 mate ona.

Nia dehan, esforsu ne’ebé VIII governu halo iha tinan 2018 liubá profesór sira ho rejime kontratadu barak mak mai ho nível edukasaun ensinu sekundaria, nune’e iha tinan 2019 MEJD halo esforsu halo  kooperasaun ho Universidade Nasionál Timor-Leste (UNTL) liuhosi Instituto Nacional de Formação de Docentes e Profissionais da Educação de Timor-Leste (INFORDEPE) kontinua fó oportunidade ba profesór sira kontinua eskola.

“Nia rezultadu mak komesa dia 19 to’o iha dia 03 de outubru ita sei halo graduasaun hamutuk 2.576 hosi 4.902, depois restu tinan oin,” nia dehan.

Nune’e nós esforsu seluk ne’ebé MEJD halo mak kontinua eleva koñesimentu profesór sira-nian liuhosi formasaun língua portugés, maibé kursu ne’e rasik sei hasoru hela dazafiu tanba profesór sira sei falta turma nivél B1 no B2 nian.

Maibé tinan ida-ne’e sei halo akordu ho Governu Portugál liuhosi Institutu Camões atubele apoia profesór sira-ne’ebé mais espesializada ba formasaun nivél B2 nian.

Notísia relevante: Profesór 3.252 sei transmite koñesimentu lian portugés ba estudante

Jornalista: Sérgio da Cruz

Editór: Evaristo Soares Martins

iklan
iklan

Leave a Reply

iklan
error: Content is protected !!