iklan

EKONOMIA, HEADLINE, MUNISÍPIU, VIQUEQUE

Revitalizasaun nuu, ekipa Sentru Agro-Komérsiu Raitahu kuda ona viveru 5.000

Revitalizasaun nuu, ekipa Sentru Agro-Komérsiu Raitahu kuda ona viveru 5.000

Viveru nuu iha Sentru Agro-Komérsiu Raitahu, iha postu administrativu Viqueque vil, munisípiu Viqueque, segunda (26/09). Imajén Tatoli/Vitorino Lopes da Costa

VIQUEQUE, 26 setembru 2022 (TATOLI)—Ekipa hosi Sentru Agro-Komérsiu Raitahu, iha postu administrativu Viqueque vila, munisípiu Viqueque, daudaun ne’e kuda ona viveiru nuu hamutuk 5.000 iha rai ektare 5 resin hodi halo revitalizasaun.

“Traballadór sira seidauk kuda hotu. Ami prepara nuu 7.000 hodi kuda ona ba revitalizasaun nuu, maibé ami seidauk kuda 2.000 tanba komunidade balun okupa rai. Ami kontinua halo aprosimasaun ho komunidade atu oferese tan rai hodi kuda viveru nuu ne’ebé prepara ona, maibé komunidade seidauk muda sai,” Vise-Koordenadór Agro-Komérsiu Raitahu, Ananeas dos Santos, informa ba Agência Tatoli, iha Sentru Agro-komérsiu Raitahau, segunda ne’e.

Notísia relevante: Revitalizasaun nuu iha Viqueque, MAP sosa fini nuu hibrida 10.000 iha Sulawesi

Maski kuda ona ho kuantidade boot maibé viveru nuu sei iha no balun komunidade utiliza.

Ami kuda nuu iha Raitahu ho tipu tolu hanesan íbrida, genza no nuu Timór. Nuu íbrida sei fuan iha tinan-lima, nuu genza tinan-hitu ba leten maka foin fuan no nuu Timór tinan-10 ba leten maka foin iha fuan,” nia akresenta.

Tuir Jerente sentru ne’e, viveru 2.000 ne’ebé sei falta presiza tan rai ektare 5 hosi parte súl iha tasi ninin sira hodi kuda.

Jornalista   : Vitorino Lopes da Costa

Editora        :  Julia Chatarina  

iklan
iklan

Leave a Reply

iklan
error: Content is protected !!