iklan

DILI

Prestasaun sosiál kuaze 7.047 mak INSS seidauk selu

Prestasaun sosiál kuaze 7.047 mak INSS seidauk selu

Prezidente INSS, Longuinhos Armando Leite. Imajen TATOLI/Egas Cristóvão

DILI, 29 setembru 2022 (TATOLI)–Prezidente Konsellu Administrasaun Institutu Nasionál Seguransa Sosiál (INSS), Longuinhos Armando Leite, dehan prestasaun sosiál kuaze 7.047 mak BNCTL seidauk selu ho nia totál orsamentu ne’ebé fila ba kofre Estadu kuaze millaun $1,056.

“Tuir relatóriu ne’ebé ami simu ba pagamentu dahuluk nian ba prestasaun sosiál ne’ebé hato’o kuaze 3.525 nia konta rezeita, na’in 322 konta laloos signifika banku labele selu no 3200 konta taka,” Longuinhos Armando Leite hateten ba Agência Tatoli, iha nia kna’ar fatin Caicoli, Dili, kinta ne’e.

Nia dehan, ba ema-ne’ebé mak seidauk selu ne’e parte INSS sei hein razaun hosi BNCTL depois mak hatama ba lista adisionál.

“Maibé ami halo ona karta ba banku para atu justifika mai iha INSS, razaun rezeita. Ezemplu konta laloos tanbasá mak laloos, konta ne’e BNCTL mak kria maibé tanbasá laloos,” nia dehan

Ho ida-ne’e, Prezidente INSS orienta ona ninia téknika sira atu buka tuir kestaun refere.

“Agora daudaun ha’u mós fó ona orientasaun ba tékniku iha munisípiu sira atu buka tuir informasaun kona-ba razaun konta taka ne’e tanba saida,” nia dehan.

Nia esplika, baibain ne’e konta taka ne’e tanba ema ne’e mate, ba rai-li’ur ka ema ne’e lasimu faze dahuluk no daruak mak konserteza osan tenke fila ba kofre Estadu, anaunser sira ba justifika fali iha xefe suku depois komprova ho tékniku.

“Ida-ne’e mak kuandu loos mak ita sei tau iha lista adisionál hodi prosesu no halo pagamentu tuir mai,” nia dehan.

Totál benefisiáriu ba faze dahuluk tinan ne’e hamutuk 103.108 ho nia osan $57.000.

Jornalista : Osória Marques

Editór       : Cancio Ximenes

 

iklan
iklan

Leave a Reply

iklan
error: Content is protected !!