Top

Projetu Marimba valoriza artista Timor-Leste

Prezidente ALMAMOR, Henrique do Rosário, akompaña hosi ekipa juri halo konferensia imprensa ba álbum kompilasaun knananuk artista timor-oan hodi proteje no preserva natureza Timor Leste, segunda (14/02). Imajen TATOLI/António Dasiparu.

DILI, 11 outubru 2022 (TATOLI)—Diretór Ezekutivu Centro Audiovisual Max Stahl Timor Leste (CAMSTL), Eddy Pinto, hateten projetu Marimba  ne’e impotante tanba valoriza artista Timor-Leste ne’ebé mak involve mós hosi Soundsgood no nasaun Comunidade Paises da Lingua Portuguesa (CPLP).

“Projetu ne’e ba nasaun CPLP, ne’ebé mak involve Ângola, Moçambique, Guiné-Bissau no Timor-Leste rasik, hodi fó valorizasaun ba artista sira iha Timor-Leste,” Eddy Pinto hateten ba jornalista sira, hafoin halo lansamentu ba projetu Marimba, iha salaun Benfica, tersa ne’e.

Proejtu ne’e nia objetivu atu valoriza produsaun múzika iha Ângola, Mosambique, Giné-Bissau no Timor Leste, ne’ebé mak iha impaktu indiretu hosi nasaun sira seluk no artista sira-ne’e ho múzika tradisionál no múzika rezisténsia rasik.

Projetu ne’e fó formasaun ba artista sira hodi bele partisipa tinan tolu, nune’e iha fulan oin  hahú loke no fó formasaun ba artista sira.

“Ita loke ba artista hotu-hotu iha Timor no ida-ne’ebé iha interese hakarak kapasita hodi dezenvolve múzika ba sira-nia abilidade,” nia dehan.

Nia dehan tinan ne’e la konsege no tinan oin sira sei mai, atu hasoru direita hodi halo peskiza kona-ba múzika iha Timor Leste. Planu sei haleu munisípiu.

Iha fatin hanesan jornalista iha CAMSTL, Claudio Savaget, hateten projetu ida-ne’e importante liu ba artista sira hotu-hotu iha Timor-Leste, nune’e artista Timoroan hatene kona-ba mundu múzika iha merkadu muzikál,no merkadu muzikál boot liu iha Afrika, Brazil no iha mós Timor.

Projetu Marimba hetan apoiu hosi PROCULTURA, asaun ida hosi programa PALOP-TL no UE, finansia hosi Uniaun Europeia, ko-finansiada no jere hosi Camões I.P., ho objetivu promove empregu no atividade jeradora rendimentu iha setór kulturál Paises Africano de Lingua Oficial Portuguesa (PALOP) no Timor-Leste.

Hosi projetu ida-ne’e importante liu ba pasu formasaun nian hahú loron 03 novembru 2022.

Jornalista : Osória Marques

Editór  : Cancio Ximenes

Publisidade

Leave a Reply

Latest Post

error: Content is protected !!