Delegasaun NTT aprezenta relatóriu kooperasaun ekonómika ba Xefe Estadu

DILI, 15 outubru 2022 (TATOLI) — Delegasaun Nusa Tenggara Timur (NTT), sábadu ne’e, aprezenta relatóriu kooperasaun kurridór ekonómika fronteira nian ba Xefe Estadu, José Ramos Horta iha Palásiu Prezidensiál.
Tuir Governadór Lemhannas, Republik Indonésia, Andi Widjajanto, hato’o rezultadu kona-ba kooperasaun iha kurredór ekonómika fronteira entre Indonézia ho Timor leste.
“Ohin, ami ho Prezidente Repúblika, José Ramos Horta, ami hato’o relatóriu kona-ba rezultadu husi sorumutu ida ho Primeiru-Ministru, Taur Matan Ruak, ne’ebé sei hala’o entre Indonézia no Timor-Leste atu aselera kooperasaun iha kurridór ekonómika fronteira entre nasaun rua ne’e,” Andi Widjajanto hateten ba jornalista sira.
Husu kona-ba implementa kooperasaun entre rai rua ne’e, Governadór haktuir buat hirak-ne’e mak sei diskute entre país rua ne’e.
Tanba iha futuru, sei iha grupu traballu konjunta ida entre ministériu Indonézia nian sira no grupu traballu ida-ne’e, ne’ebé sei ko’alia liután kona-ba oinsá tékniku ne’e sei hala’o entre Timor-Leste no Indonézia.
“Ho baze ba kurredór ekonómiku ida-ne’e maka halo negósiu kooperativa ida, tanba ne’e ami aprezenta lai, ho grupu ne’ebé maka ko’alia ona ho emprezáriu barak no sei envolve iha akordu kooperasaun entre Indonézia no Timor-Leste iha kurridór ekonómiku fronteira nian bele realiza,” Governadór NTT ne’e dehan.
Iha enkontru entre delegasaun ho Xefe Estadu ne’e hateten katak presiza aselera no espera katak iha novembru no dezembru tinan ida-ne’e sei iha akordu ida ho polítika entre Indonézia no Timor-Leste.
Jornalista: Osoria Marques
Editór: Evaristo Soares Martins

