Top

2023: MAE-UNDP kontinua fali programa resiklajen

Ministru Administrasaun Estatál, Miguel Pereira de Carvalho. Imajen TATOLI/Egas Cristovão

DILI, 19 outubru 2022 (TATOLI)–Ministru Administrasaun Estatál (MAE), Miguel Pereira de Carvalho, hateten tinan oin MAE hamutuk ho Programa Dezenvolvimentu Nasaun Unida (UNDP) sei kontinua fali programa resiklajen ne’e.

“Kona-ba resiklajen hosi lixu ne’ebé mak komunidade soe ne’e, ami servisu hamutuk ho UNDP sei kontinua fali iha 2023, tanba lixu ne’e 30% ita halo ba resiklajen,” Governante ne’e hateten ba Agência TATOLI, iha resintu Palásiu Governu, Dili, kuarta ne’e.

Lixu ne’ebé mak atu halo ba resiklajen ne’e barak maibé sira-ne’ebé presiza atu halo resiklajen ne’e menus entaun únika koiza ne’ebé atu halo mak esporta ba rai-li’ur hanesan nasaun Xina.

“Ita hanoin atu esporta ba Xina maibé Xina la simu lixu ne’ebé mak halo resiklajen, entaun Governu presiza halo servisu hamutuk ho setór privada sira bele akomoda,” nia dehan.

Antes ne’e, Diretór Dirasaun Nasionál Organizasaun Urbana (DNOU) sesante, Herminio Moniz Ribeiro, hateten implementasaun programa pilotu resiklajen iha Munisipiu Dili ladún folin iha merkadu, nune’e programa resiklajen ne’e la kontinua no paradu iha 2021.

Programa pilotu resiklajen ne’e termina ona iha 2021 ne’e, la kontinua ona tanba rezultadu resiklajen iha Dili ladún folin iha merkadu.

Ikus mai indikadór labele atinje tanba kestaun konxiénsia, kestaun orsamentu, kestaun pandemia COVID-19 depois kestaun seluk mak kompradór ba rezultadu resiklajen ne’e laiha, katak prodús resiklajen, resikla fali ba buat seluk no laiha folin

Jornalista : Osoria Marques

Editór       : Cancio Ximenes

Publisidade

Leave a Reply

Latest Post

error: Content is protected !!