Top

CCLN husu Horta reklama eis funsionáriu portugés nia direitu ba PR portugál

Vise Prezidente CCLN, Mario Nicolao Marito dos Reis. Imajen Tatoli /Egas Cristovão

DILI, 27 outubru 2022 (TATOLI)—Vise Prezidente Konsellu Konbatente Libertasaun Nasionál (CCLN, sigla portugéz), Marito Nicolau Reis, hateten CCLN husu ba Prezidente Repúblika, José Ramos Horta, hodi reklama ba Prezidente Portugál atu fó eis funsionáriu portugés na’in-1.800 iha Timor-Leste nia direitu.

“Eis funsionáriu 1.800 tempu português nian ne’ebé Estadu Portugal la selu, tanba ne’e mak sira rekere ka hato’o ba Prezidente Repúblika hodi sira bele hetan direitu ba saláriu ne’ebé tempu portugés sira la hetan direitu bainhira Portugal sai hosi Timor-Leste,” Vise CCLN ne’e hateten ba jornalista sira hafoin hasoru malu ho Xefe Estadu, iha Palásiu Prezidensiál Nicolau Lobato, Bairru Pite, Dili, kinta ne’e.

Tanba ne’e, nia hato’o ba Prezidente Repúblika, José Ramos Horta, bainhira Prezidente Repúblika halo vizita Estadu iha Portugál hodi trata asuntu ne’e ho Prezidente Repúblika Portugál nian, nune’e funsionáriu sira-ne’e tenke simu sira-nia direitu.

Asuntu ne’e Prezidente Repúblika, José Ramos Horta, tau ona iha konsiderasaun no sei ba ko’alia ho Prezidente Portugál hodi hetan solusaun no tenke hetan direitu ida-ne’e.

Jornalista : Osoria Marques

Editór      : Cancio Ximenes

Publisidade

Leave a Reply

Latest Post

error: Content is protected !!