iklan

EDUKASAUN, BAUCAU, HEADLINE, MUNISÍPIU

SEFOPE apoia fundu konstrui edifísiu CDC Baucau

SEFOPE apoia fundu konstrui edifísiu CDC Baucau

Kompañia hahú halo konstrusaun ba edifísiu CDC Baucau iha suku Triloka, postu Baucau Vila, sesta (11/11). Imajen Tatoli/Natalino Belo.

BAUCAU, 11 novembru 2022 (TATOLI) – Sekretaria Estadu Formasaun  Profesionál no Empregu (SEFOPE) apoia fundu hodi konstrui edifísiu Sentru Dezenvolvimentu Komunitária (CDC, sigla portugés) iha munisípiu Baucau.

Diretór CDC Baucau, Viçente Matos Belo, esplika, fundu ho tótal $91.566,14 liuhosi Diresaun Nasionál Formasaun no Profesionál (DINAFOP) SEFOPE atu konstrui edifisiu ida no sala aula rua.

“Ajuda ida-ne’e importante tebes tanba fasilita ami-nia formandu sira atubele prosesu aprendizajen ho di’ak,” Diretór CDC Baucau informa ba Agênsia TATOLI iha Triloka, sesta ne’e.

Fundu ne’e aloka liuhosi transferénsia públika no hahú lansamentu fatuk dahuluk iha loron-30 fulan-setembru liuhosi kompañia L-Three unipesoál, lda ho durasaun kontratu to’o fulan-maiu tinan-2023.

Viçente Belo konsidera ho konstrusaun refere bele ajuda ona sentru refere atu hala’o atividade formasaun lian Korea no agrikultura ba formandu sira-ne’ebé daudaun ne’e halao formasaun iha CDC.

“Bele responde ona atividade tuir númeru formandu,” Viçente Belo akresenta.

CDC rasik rejista formandu sira hosi munisípiu 10 ho totál formandu hamutuk 275 no kontinua husu apoia ba parseiru dezenvolvimemtu balun atu ajuda tán kondisaun infraestrutura nune’e futuru bele responde ba númeru formandu liuhosi 300.

Totál formadór iha CDC Baucau hamutuk na’in-12 komposta hoai lian Korea na’in-ida no agrikultura hamutuk nai’n-11.

Jornalista   : Natalino Belo

Editór          : Evaristo Soares Martins

iklan
iklan

Leave a Reply

iklan
error: Content is protected !!