Servisu toponomia-venda ambulante monta ona plaka 146 iha Dili

DILI, 11 novembru 2022 (TATOLI)–Xefe Departamentu Polítika Lejislasaun Urbana iha Ministériu Administrasaun Estatál (MAE), Aurendino Afonso do Santos, hateten plaka ne’ebé mak atu implementa ka monta iha kapitál Dili hamutuk 242 maibé foin mak monta 146.
“Hosi 242 ne’e plaka ne’ebé ita implementa ona 146 no seidauk implementa 96. Ba postu administrativu Metinaro hein de’it aprovasaun,” Aurendino Afonso do Santos dehan ba Agência Tatoli iha ámbitu aprezentasaun rezultadu avaliasaun oraganizasaun urbana, iha salaun INAP, Dili, sesta ne’e.
Tanba, tuir nia, prosesu identifikasaun arruamentu iha APA Metinaro finaliza ona, nune’e husu ba Autoridade Munisipiu Dili atu fó apresiasaun ba arruamentu refere hodi nune’e bele implementa iha futuru.
“Presiza regulariza no halo monitorizasaun ba plaka arruamentu sira-ne’ebé implementa ona,” nia dehan.
Plaka toponomia sira ne’ebé hetan estraga mak iha Becusse, Merkadu Becora, Bidau Toko Baru, Beto Oeste, Lahane,, iha Apotik Foho Osan Mean nian, depois iha mós Sede Suku Santa Crus nia oin no Fomentu I.
“Ita mós identifika plaka ne’ebé mak kesi ho tali iha ai-hun, ne’e iha área Bebora nian. Depois iha iha Manleuana Bua Nurak, plaka tahan laiha, maibé nia rin uza hodi tonka fali fiu eletresidade. Iha fali área Bebonuk, empreza ida mak sobu tiha hodi halo konstrusaun no ida seluk aifunan taka tiha,” nia relata.
Ho rezultadu avaliasaun kona-ba servisu organizasaun urbana nian, parte relevante ne’e rekomenda, Dekretu-lei númeru 29/2016 Rejime Juridiku da Toponomia e Numerasaun de Polisia. Servisu ida-ne’e tuir Dekretu-Lei númeru 3/2016, altera daruak ba dekretu-lei númeru 54/2020 kompeténsia tomak entrega ba servisu Munisipál Obra Públika no Transporte, Dirasaun Nasionál Organizasaun Urbana (DNOU) prontu atu fó asisténsia tékniku ba implementasaun haktuir kompenténsia ne’ebé iha.
Presiza apoiu hosi entidade relevante hanesan autoridade lokál hodi kontrola plaka ne’ebé hetan estraga hosi komunidade arruamentu no servisu hamutuk ho Autoridade Lokál liuhosi servisu Munisipal obra públika no Transporte hodi kontinua kompleta tan plaka arruamentu ne’ebé seidauk monta iha suku Lahane Oriental, Santa Cruz, Bemori no Ailok Laran.
Nia dehan, persiza konsedera iha planu orsamentu jerál munisípiu nian ba monta plaka foun iha APA Metinaro manutensaun arruamentu plaka no mudansa ba arrumentu iha munisípiu Dili.
Kona-ba plaka arruamentu no Servisu Munisipál Obra Públika no transporte ho autoridade lokál atu kontinua implementa iha suku sira-ne’ebé seidauk implementa.
“Presiza koordensaun servisu liuhosi Obra Públika Munisípiu Dili ba konstrusaun ne’ebé hala’o hosi empreza sira karik afeta ba rin plaka anin sobu, empreza tenke halo karta ofisiál ba autoridade munisipál,” nia dehan.
Nune’e, servisu Toponomia no venda ambulante iha munisípiu Dili, sesta ne’e, fó sai rezultadu monitorizasaun ba arruamentu ne’ebé implementa ona iha munisípiu Dili mak Revolusaun Governu iha Avenida 22, Rua iha 70, Travessa no Beco laiha, plaka tipu A, B no C laiha.
Arruametu neen (6) suku pilotu mak rua iha neen (6), Travessa 31, Beco 101, plaka A 138, plaka C iha 2 no Avenida ho plaka B laiha. Arruamentu Dom Aleixo ho Vera Crus mak Avenida laiha, Rua iha 156, Travessa iha 199, Beco iha 391, plaka A iha 746, plaka B iha 27 no plaka C iha 82.
Arruamentu Nain Feto no Cristo Rei mak Avenida iha ida (1), Rua iha 50, Travesa iha 32, Beco iha 242, plaka A iha 325 no plaka B ho C laiha.
Tuir rezultadu bazea observasaun hatudu katak totál Beco 242 ba suku 11 no implementa de’it mak iha suku hitu (7) hanesan Balibar, Kuluhun, Bidau Santana, Metiaut, Hera, Camea, no Becora. Suku haat (4) seluk seidauk impelementa mak Lahane Orientál, Santa Crus, Bemori, no Ailok Laran.
Jornalista : Osória Marques
Editór : Cancio Ximenes

