Top

Benefisiáriu UKL+ A, Vera Crus deside entrega ba suku Dare

Xefe suku Caicoli, Hipolito Ximenes Marques. Imajen TATOLI/Egas Cristóvão

DILI, 16 novembru 2022 (TATOLI)—Xefe suku Caicoli, postu administrativu Vera Cruz, munisípiu Dili, Hipólito Ximenes Marques, hateten programa Uma Kbiit Laek Plus (UKL+) hamutuk 15 ba benefisiáriu sira-ne’e, autoridade lokál iha postu administrativu Vera Crus deside entrega ba komunidade suku Dare.

“Ami Vera Crus hetan jatah ba Uma Kbiit Laek+ A hamutuk 15, maibé ami suku neen deside entrega ba suku Dare no ami Vera Crus ne’e sei haree uluk mak UKL plus B,” Xefe Suku ne’e hateten ba Agência Tatoli, iha nia kna’ar fatin, Dili, kuarta ne’e.

Entrega ba suku Dare, tanba komunidade Dili laran sei preokupa ho rai tanba rai balun Estadu nian nune’e lideransa deside entrega ba suku Dare no sira mak sei hetan uluk.

“Ami xefe suku hosi suku hitu deside entrega no hein fali opurtunidade tinan oin karik iha, ami hanoin komunidade Dare presiza duni atu Governu haree uluk sira,” nia dehan.

Suku neen iha Vera Crus mak Caicoli, Colmera, Lahane Osidental, Motael, Vila Verde no Mascarenhas.

Jornalista : Osoria Marques

Editór       : Cancio Ximenes

Publisidade

Leave a Reply

Latest Post

error: Content is protected !!