iklan

DILI

Komunidade Caicoli hahú tau lixu iha ida-idak nia uma oin

Komunidade Caicoli hahú tau lixu iha ida-idak nia uma oin

Trabaladór sira kontinua raut hela lixu ne’ebé komunidade soe iha estrada ibun iha área Comoro, tersa (18 dezembru 2022). Imajen Tatoli/Antonio Dasiparu.

DILI, 16 novembru 2022 (TATOLI)–Xefe suku Caicoli, postu administrtaivu Vera Crus, munisípiu Dili, Hipólito Ximenes, hateten to’o agora komunidade iha suku Caicoli hahú ona tau lixu iha ida-idak nia uma oin hodi evita soe foer iha dalan públiku.

“Ha’u hato’o ona ba xefe aldeia sira tau orienta komunidade atu tau lixu iha ida-idak nia uma oin. Ida-ne’e ami Caicoli hala’o ona no lixu ne’ebé mak Governu monta mós dook hosi komunidade, maibé parte seluk mak ami dúvida tanba bainhira udan, mota lori foer mai iha ami-nia suku hosi suku viziñu sira nune’e estraga tiha ami-nia ambiente sira,” Xefe Suku dehan ba Agência Tatoli, iha nia kna’ar fatin, Dili, kuarta ne’e.

Nia dehan, suku Caicoli ne’e hanesan sentru Dili nian ne’ebé sempre ho moos no saudavel, nune’e xefe suku sempre orienta xefe aldeia iha aldeia lima ne’e hodi kontrola foer.

Vise Ministru Administrasaun Estatál (MAE), Lino Torrezão de Jesus, hateten ijiéne no organizasaun urbana importante ba populasaun sira-ne’ebé hela iha kapitál Dili.

“Ijiéne no organizasaun urbana mak hanesan ita hotu hatene katak importante tebes ba ita-nia populasaun sira iha munisipiu Díli. Tanbasá mak ha’u dehan importante. Bainhira ita ko’alia kona-ba ijiéne, ita hakarak fó relevánsia ba moris populasaun nian iha ambiente ida-ne’ebé moos,” nia hateten.

Tanba ambiente ne’ebé moos bele asegura moris saudável populasaun sira-nian. Ambiente ne’ebé mós la’os de’it, livre hosi lixu ka foer ne’ebé naklekar iha sidade laran, maibé ijiéne mós reflete ba espíritu no mentalidade hosi sidadaun hirak hela iha sidade laran.

Jornalista : Osória Marques

Editór       : Cancio Ximenes

iklan
iklan

Leave a Reply

iklan
error: Content is protected !!