iklan

DILI

ONG Belun identifika kazu violénsia hitu iha Na’in Feto

ONG Belun identifika kazu violénsia hitu iha Na’in Feto

Ilustrasaun ba violénsia.

DILI, 22 novembru 2022 (TATOLI)—Jestór Programa ONG Belun, Romaldo Caetano, hateten dadus trimestral ne’e, ONG Belun identifika kazu violénsia hitu (7) iha postu administrativu Na’in Feto, munisípiu Dili.

Postu administrativu Na’in Feto nian akontesimentu iha hitu (7) ne’ebé deteta mak hanesan grupu arte marsiál sira ataka malu hanesan foin lalais ita haree rasik iha televizaun ne’ebé virál iha estrada públiku balun hasoru membru Falintil-Forsa Defeza Timor-Leste (F-FDTL) balun,” Jestór Programa ONG Belun, Romaldo Caetano, informa iha sede suku Bidau, Lecidere, tersa ne’e.

Enkontru ida-ne’e atu fó hatene ba autoridade lokál inklui komunidade ne’ebé hela iha kada postu liu-liu postu administrativu Na’in Feto ligadu ho rezultadu monitorizasaun ONG Belun nian ba kazu ne’ebé akontese hosi setembru-novembru nia laran.

Nune’e, komunidade mós hamutuk ho autóridade lokál sira bele sama atensaun hodi halo prevensaun hahú hosi uma-laran, bairru, aldeia, suku, postu administrativu no to’o ba nasaun laran tomak.

“Programa ida-ne’e hanesan halo enkontru trimestrál iha kada postu depois fulan tolu (3), entaun baibain kuandu halo iha nível postu dalaruma ne’e partisipasaun rasik hosi komunidade menus,” nia dehan.

Objetivu hosi enkontru ida-ne’e atu fahe informasaun monitorizasaun ba kazu violénsia ne’ebé halibur hosi ONG Belun ninian ba períodu fulan tolu (3), ida ne’e atu bele fahe fali ba komunidade, líder komunitáriu, ofisiál polísia nasionál (OPS) sira hodi sira bele hatene saida mak akontese iha sira-nia fatin.

“Depois hosi ida-ne’e, sira bele buka meiu alternativu ida hodi halo prevensaun ba konflitu iha ne’eba,” jestór ne;e hateten,

Hosi enkontru ne’e sira-nia parte espera líder polítiku sira bele kolabora mós ho organizasaun naun governamenál (ONG) sira hodi halo polítika ruma atu bele solusiona no redús kazu violénsia sira iha komunidade nia leet.

“Ninia solusaun ikus ne’e mak oinsa atu fahe dadús ne’e ba iha públiku, ba iha ita-nia líder ne’ebé bele foti desizaun sira bele kria polítika ruma. Hosi dadús ne’e bele sai hanesan referénsia ba sira, nune’e bele kria situasaun ne’ebé di’ak ba komunidade,” nia dehan.

Entretantu reprezentante komandu eskuadra postu administrativu N’ain Feto, Isac Fatíma Soares, hateten iha postu administrativu Na’in Feto, suku Bemor,i iha fulan tolu ba kotuk iha kazu hitu (7), fulan tolu daudaun agora sa’e ba ualu (8), kazu asaltu tolu (3) iha agostu nian ne’e, setembru ida (1), outubru rua (2) hamutuk neen (6), violénsia domestika iha agostu ida (1), outubru ida (1) hamutuk ualu (8).

Suku Lahane Orientál fulan tolu ba kotuk kazu hamutuk 21, agora tun ona ba iha 17, kazu asaltu iha fulan setembru ida (1), violénsia doméstika iha agostu haat (4), setembru asaltu ida (1), violénsia doméstika ida (1), outubru asaltu haat (4), violénsia doméstika lima (5) ne’ebé iha kazu asaltu hamutuk lima (5), violénsia doméstika sanulu (10), ameasa outubru ida (1), arma branka iha agostu ida (1) hamutuk sanulu resin hitu (17) iha fulan tolu mai ne’e.

Suku Gricenfor fulan tolu ba kotuk iha kazu ida (1) agora sa’e bosok tan ida halo rua (2), kazu furtu iha setembru ida (1), outubru asaltu rua (2), nune’e suku Gricenfor di’ak uitoan tanba kazu menus liu.

Tuir-mai suku Akadiru-hun iha fulan tolu ba kotuk sanulu iha kazu 10 no tuir fali mai haat (4), kazu furtu iha agostu ida (1), outubru kazu asaltu rua (2), estragu iha agostu ida (1), ne’ebé hamutuk rua (2) sa’e ba haat (4).

Suku Bidau Lecidere, iha fulan tolu ba kotuk kazu tolu (3) agora sa’e ba haat (4), asaltu agostu rua (2), violénsia doméstiku ida (1), setembru kazu asaltu ida (1), furtu ida (1) no iha outubru arma branka ida (1) nune’e agora sa’e ba haat (4).

Suku Santa Krúz fulan tolu ba kotuk kazu 10 no agora sa’e ba 12, agostu asaltu tolu (3), violénsia doméstika haat (4), Organizasaun Arte Marsiál (OAM) ida (1), setembru asaltu ida (1), violénsia doméstika ida (1), ameasa ida (1), outubru violénsia doméstika ida (1) hamutuk kazu 12 mak iha Santa Crúz.

Suku Bemóri fulan tolu ba kotuk iha kazu hitu (7) agora sa’e tan ida (1) sai ualu (8), iha agostu asaltu tolu (3), violénsia doméstika ida (1), setembru asaltu ida (1), outubru asaltu rua (2), violénsia doméstika ida (1) no agora sa’e ba ualu (8).

Partisipa iha enkontru ne’e mak reprezentante autóridade postu administrativu Nain Feto nian, autóridade komunitária suku Bidau Lecidere, reprezentante komandu eskuadra Nain Feto, Polísia Nasionál Timor Leste (PNTL), komunidade no jornalista sira.

Jornalista : Osória Marques

Editór      : Cancio Ximenes

 

iklan
iklan

Leave a Reply

iklan
error: Content is protected !!