iklan

EKONOMIA, BAUCAU, HEADLINE, MUNISÍPIU

Uma-kain 37 suku Tirilolo sai benefisiáriu ba UKL+ B

Uma-kain 37 suku Tirilolo sai benefisiáriu ba UKL+ B

Xefi suku Tirilolo, Ricardo Ernesto Belo. Imajen Tatoli/Natalino Belo.

BAUCAU, 23 novembru 2022 (TATOLI) – Uma-kain hamutuk 37 hosi suku Tirilolo, postu administrativu Baucau vila, munisípiu Baucau sai benefisiáriu ba programa UKL + B hosi Program Nasionál Dezenvolvimentu Suku (PNDS).

Xefe suku Tirilolo, Ricardo Ernesto Belo, esplika, hosi totál benefisiáriu refere aldeia Osso-ua, Lialailesu, Parlamentu, Caisido no Lutumutu mak benefisiáriu hamutuk uma-kain lima hamutuk nee, enkuantu aldeia Betulale benefisiáriu uma-kain hitu.

“UKL plus B iha suku Tirilolo ohin mak remata distribui kalen ba benefisiáriu sira hamutuk uma-kain 37 iha aldeia neen,” Xefe suku Tirilolo informa ba Tatoli iha sede suku, kuarta ne’e.

Totál kalen distribui hamutuk 3.644 komposta hosi aldeia Osso-ua hamutuk kalen 538 hosi, aldeia Lialailesu 591, Parlamentu 628, Caisido 618, Betulale 696 no Lutumutu 573.

Benefisiáriu sira selesiona tuir matadalan UKL+ B hanesan ekipa PNDS hamutuk ho autoridade suku sosializa iha kada aldeia hanesan kritéria importante mak rejista no verifika iha terrenu relasiona ho kondisaun uma.

“Importante tanba ajuda ona hakmaan netik komunidade nia gastu hodi hadi’a kondisaun uma, liuliu troka kalen tanba udan hahú monu rai,” Ricardo Belo akresenta.

Ekipa verifikadór sira komposta Josi PNDS hamutuk ho autoridade suku sei hala’o monitorizasaun nune’e husu benefisiáriu sira atu utiliza kalen refere hodi troka duni uma kakuluk iha tempu badak.

Jornalista    : Natalino Belo 

Editór           : Evaristo Soares Martins 

iklan
iklan

Leave a Reply

iklan
error: Content is protected !!