iklan

HEADLINE, MUNISÍPIU, VIQUEQUE

Novembru ne’e, ahi hahú lakan iha suku neen Viqueque

Novembru ne’e, ahi hahú lakan iha suku neen Viqueque

Liña eletrisidade iha Viqueque-Vila. Imajen Tatoli/Vitorino Lopes da Costa

VIQUEQUE, 30 novembru 2022 (TATOLI)—Diretór Servisu Eletricidade de Timor-Leste, Empreza Públiku (EDTL,E.P) Viqueque, Ernesto Sarmento, relata progresu implementasaun projetu dada liña eletrisidade ba komunidade iha área rurál iha munisípiu Viqueque kontinua la’o.

“Iha suku balun maka oras-ne’e komesa lakan ona. Dada eletrisidade ba suku Uaimori, Liaruka, Nahareka, Lacluta, Builo no Uabubu ahi lakan ona iha loron 22 novembru ne’e. Nune’e mós suku Uaibobo ahi eletrisidade lakan ona iha tinan 2021,” Diretór EDTL,E.P Viqueque hateten ba Agência Tatoli, iha postu Viqueque Vila, kuarta ne’e.

Kona-ba progresu Projetu Eletrifikasaun Nasionál (PEN) pakote 44 iha suku Dilor – Crarec Boku, Ahic, no Lacluta, ninia progresu fíziku atinje ona 32%, ne’ebé implementa hosi empreza Uaitau Unip, Lda no JV Oulale Unip,Lda.

Notísia relevante: Sede suku Uaibobo Viqueque seidauk asesu eletrisidade

Enkuantu, PEN pakote 44 iha suku Uaibua – Liaruca, Ossu, postu Ossu ho progresu fíziku atinje ona 51,21%, ne’ebé implementa hosi empreza Caidu Lialau unip , Lda. JV Waida Uni, Lda.

Nune’e mós, PEN pakote 34 iha área Lekibuti – Nahareca, Ossu, postu Ossu atinje ona 21,81%, ne’ebé implementa projetu hosi empreza Limfim Daragima Unip,Lda no JV New Town Unip,Lda.EDTL ,E.P halo teste fornesimentu enerjia elétrika (teste korente enerjia, tensaun, aterramentu, rotasaun, no seluk tan) ba PEN pakote 34 hosi suku Uaibobo, iha área Tagaba, Dasinaha no Samarogo, suku Uabobo, postu Ossu.

Projetu eletrifikasaun ne’e sei benefisia ba uma-kain 200, ne’ebé projetu refere implementa hosi empreza Luafiamor Unip,Lda no JV Chagas 55 Unip, Lda.

PEN pakote 44 ba iha Suku Osowake – Uaimori, postu Viqueque Vila, ho progresu fíziku atinje ona 60,36 %, implementa hosi empreza Caidu Lialau unip , Lda. JV Waida Uni, Lda.

Jornalista   : Vitorino Lopes da Costa

Editora        : Julia Chatarina

iklan
iklan

Leave a Reply

iklan
error: Content is protected !!