iklan

BOBONARO, HEADLINE, MUNISÍPIU, SEGURANSA

PNTL la autoriza komunidade sunu fogete iha Bobonaro

PNTL la autoriza komunidade sunu fogete iha Bobonaro

Komandante PNTL Munisípiu Bobonaro, Superintendente Antoninho Mauluta. Imajen Tatoli/Sérgio da Cruz.

BOBONARO, 05 dezembru 2022 (TATOLI) – Komandu Polísia Nasionál Timor-Leste (PNTL), munisípiu Bobonaro, lieradu Superintendente Antoninho Mauluta, la autoriza komunidade sunu fogete.

Komandante PNTL munisípiu Bobonaro, Superintendente Antoninho Mauluta, husu inan-aman sira atu kontrola oan sira nune’e labele tiru fogete.

“Ita-nia planu operasaun eskrita iha tempu badak ita sei aprova, iha tempu badak ita sei distribui ba  eskuadra hotu-hotu, atu halo patrullamentu tama sai bairru, tanba ne’e ita husu ba inan-aman sira atu apoiu eduka oan sira, atu prevene buat ida tiru paixón ne’e,” nia ko’alia iha Maliana, segunda ne’e.

Notisia relevante: PNTL Bobonaro halo tán apreensaun ba motorizada 21 iha Nunura

Hafoin distribui planu operasaun ne’e, komandu munisípiu mós sei orienta membru sira atu halo pasa-revista ba kioske no loja ne’ebé konsideradu fa’an sasán ho dalan ilegál.

“Sé wainhira ita hetan informasaun loja ruma maka fa’an buat ne’e, ita sei foti mai halo prosesu ba oin, tanba ita konsidera nia fa’an sasán ilegál, depois prosesa ba Ministériu Públiku,” nia afirma.

Kona-bá atu autoriza komunidade sira tiru fogete iha Natál no simu tinan foun 2023, Mauluta dehan komandu sei  halo hela diskusaun hela ho parte relevante atu determina loron.

Notisia relevante: PNTL Bobonaro entrega suspeitu ne’ebé ameasa F-FDTL no PNTL ba Ministériu Públiku

Jornalista   : Sérgio da Cruz

Editór          : Evaristo Soares Martins

iklan
iklan

Leave a Reply

iklan
error: Content is protected !!