iklan

LIFESTYLE, MUNISÍPIU, VIQUEQUE

MAE-UNDP kapasita pontu fokál iha Viqueque konaba utilizasaun portal munisipál

MAE-UNDP kapasita pontu fokál iha Viqueque konaba utilizasaun portal munisipál

Pontu fokál sira iha Viqueque tuir formasaun konaba utilizasaun portal munisipál. Imajen Tatoli/Vitorino Lopes da Costa

VIQUEQUE, 15 dezembru 2022 (TATOLI)— Ekipa Ministériu Administrasaun Estatal (MAE) ho United Nations Development Programme (UNDP), kinta ne’e, fó kapasitasaun ba pontu fokál sira iha munisípiu Viqueque kona-ba jestaun operasionál ba utilizasaun portal munisípal.

Tuir Administradór Munisípiu Viqueque, Januario Soares ‘Bolly’, katak area jestaun operasionál portal munisipal iha Munisípiu Viqueque hamutuk ho representa DGDA-MAE, UNDP fo  formasaun konaba jestaun operasional portal munisipal nian.

“Iha ambitu implementasaun polítika desentralizasaun administrativa, MAE servisu hamutuk ho UNDP iha Timor Leste no União Europeia atu dezenvolve portal munisipál ho dadus livre asesu. Tanba ne’e,  ita komesa halibur dadús dezenvolvimentu sira nivel munisípiu to’o suku ne’ebé lansa ona iha  marsu tinan 2020,” autoridade Munisípiu Viqueque ne’e hateten iha serimonia abertura atividade formasaun ba pontu fokál sira, iha salaun administrasaun, kinta ne’e.

Nia dehan, objetivu formasaun ne’e atu hasa’e koñesimentu teknika nian ba pontu fokál sira ninia operasionalizasaun portal munisipál, hahú husi faze rekollamentu dadús to’o aprovasaun no insersaun dadús ba iha sistema baze dadus portal munisipál nian.

Administradór Munisipiu Viqueque ne’e hatutan, estabelesimentu portal munisipál iha munisípiu ida-idak atu hatudu informasaun ne’ebé transparente ba rikosoin munisipiu nian hodi transfere ka fahe informasaun liu husi dadús elektronika atu sai sasukat no referensia  ba dezenvolvimentu munisipâl ida-idak nian iha futuru.

Husi indikador sira-ne’e mak Governu kria elektroniku ne’ebé relasiona ho prosesu dezentralizasaun administrativa liu husi modernizasaun administrasaun lokál sira, hodi kria Portal Munisipál hanesan website (liña komunikasaun) ida ba munisipiu hotu ho karater transparensia ba saida deit mak akontese iha munisipiu Viqueque.

Formasaun ne’e hetan abertura ofisialmente hosi Administradór munisípiu Viqueque no partisipa hosi pontu fokál diresaun sira iha munisípiu Viqueque.  Formasaun halao durante loron rua.

Jornalista : Vitorino Lopes da Costa

Editóra     : Armandina Moniz

iklan
iklan

Leave a Reply

iklan
error: Content is protected !!