Top

FATL selesiona atleta na’in-haat bá partisipa SEA Para Games 2023

Atleta timor-oan, Felisberto de Deus, okupa terseiru lugár ba kategoria kilómetru 42, iha kompetisaun Dili Internasionál Maratona, halai iha estrada Palásiu Prezidensiál, Bairru-Pité, sábadu (08/10). Imajen Tatoli/Francisco Sony

DILI, 20 dezembru 2022 (TATOLI)– Federasaun Atletizmu Timor-Leste (FATL), hahú halo selesaun ba atleta na’in-haat hodi bá partisipa iha eventu rejionál SEA Para Games 2023 iha Vietname.

“Ami halo ona preparasaun ba atleta na’in-haat atu bá partisipa iha eventu ne’e, nune’e daudaun ami halo hela treinamentu”, dehan Atleta Felisberto de Deus ba Agência TATOLI iha Dili, tersa ne’e.

Notísia relevante:FATL deside atleta Felisberto bá partisipa ASEAN University Games

Daudaun ne’e Felisberto ho nia kolega sira halo preparasaun treinamentu iha Dili no janeiru tinan oin sei halo fali treinamentu masimu iha Gleno Ermera.

Atleta na’in-haat hanesan, Joanito Fernandes, Manuel Belo, Ângela Freitas no Felisberto de Deus.

Atleta Felisberto hanesan atleta ne’ebé sai kampiaun iha SEA Para Games iha Vietname bainhira okupa iha pozisaun segundu lugar no lori medalla osan mutin rua mai Timor -Leste.

Alende ne’e, iha ASEAN University Games atleta ne’e mantein nia prestasaun hodi sai segundu lugar no terseiru lugar hodi oferese medalla osan mutin ida no metan ida.

Notísia relevante:SEJD atribui prémiu ba atleta manán-na’in SEA Para Games no ASEAN University Games

Jornalista: Hortencio Sanchez

Editór      : Florencio Miranda Ximenes

Publisidade

Leave a Reply

Latest Post

error: Content is protected !!