Top

SEJD-FFTL halo kontratu transfere fundu $200.000 realiza liga époka 2022-2023

Jogadór Zebra FC ( kamiola riskadu metan muti) hadau malu bola ho Jogadór Academica FC iha joga divisaun II, Liga Futeból Timor-Leste, tersa 9 Novembru 2021, iha Stadium Munisipal Dili, Imajen Tatoli/António Gonçalves

DILI, 21 dezembru 2022 (TATOLI)– Governu liuhosi Sekretária Estadu Juventude no Desportu (SEJD) ho Federasaun Futeból Timor – Leste (FFT), kuarta ne’e, realiza ona kontratu  anuál atu realiza liga futeból Timorense époka 2022 no 2023.

“Liga ne’e atu hala’o iha dezembru nia laran to’o tinan oin, nune’e mak SEJD halo ona kontratu anuál ida ho FFTL, nune’e hala’o transférensia osan hamutuk $200.000 ba konta FFTL nian”,  dehan Diretor Adiministrasaun no Finansa iha SEJD, Guido Monteiro ba Agência TATOLI iha Dili, kuarta ne’e.

Notísia relevante:Dezembru, FFTL-LFTL abertura liga futeból époka 2022-2023

Daudaun ne’e,  FFTL ho Liga Futeból Timor – Leste (LFTL) mak sei responsabiliza másimu hodi realiza liga no iha hela prosesu tékniku balun mak parte rua sei realiza hela hanesan transferénsia jogadór no seluk tan.

“Preparasaun hahú dezembru mak finaliza, maibé iha dezembru nia laran mak la akontese liga la’o mak to’o 31 dezembru osan ne’e tenke fila ba kaixa Estadu, maibé buat hotu depende ba órgaun liga mak atu hala’o atividade”, katak nia.

SEJD nia responsabilidade mak halo ona transferénsia orsamentu ba FFTL hodi transfere tutan ba fali LFTL.

Daudaun ne’e, LFTL halo hela preparasaun ba transférensia jogadór no iha klube liu ona haat mak ba halo rejistrasaun naran jogadór no posibilidade liga sei la’o duni iha dezembru ne’e nia laran.

Notísia relevante:SEJD mantein aloka rihun $200 hodi realiza liga futeból Timorense

Jornalista: Hortencio Sanchez

Editór       : Florencio Miranda Ximenes

Publisidade

Leave a Reply

Latest Post

error: Content is protected !!