Top

Governu aloka $20,000 hodi selebra loron Nasionál Éroi

Saudozu Prezidente Repúblika Nicolau dos Reis Lobato kaer hela toa iha liman no atuál Prezidente CNRT, Xanana Gusmão, kaer kamera hamriik iha sorin karuk. Imajen/Esepsiál.

DILI, 28 dezembru 2022 (TATOLI)—Governu liuhosi Ministériu Asuntu Libertasaun Nasionál (MAKLN) aloka $20,000 hodi selebra loron Nasionál Éroi ho tema “Última bala é a minha vitória” ne’ebé sei hala’o iha 31 deembru 2022.

Notísia Relevante: Loron Nasionál Éroi: Nicolau Lobato Mak Povu Nia Lider

“Orsamentu ne’e aloka hosi Ministériu Asuntu Libertasaun Nasionál ho montante $20.000,” Vise-Ministru Administrasaun Estatál (MAE), Lino de Jesus Torrezao, hateten ba jornalista sira iha iha Palásiu Governu, kuarta ne’e.

Vise-Ministru Administrasaun Estatál afirma katak tuir programa Governu nian hakarak atu selebra loron Nasionál Éroi sira iha munisípiu sira maibé asuntu orsamentu labele akontese iha tinan ne’e.

“Governu sei halo planu ba tinan oin, alokasaun orsamentu ba selebrasaun sira iha munisípiu hotu-hotu,” nia hateten.

Tuir Prezidente Komisaun Organizadór katak Estadu Timor-Leste sei selebra loron Nasionál Éroi ne’e iha loron 31 dezembru, loron Nasionál eroi sira-nian ho misa agradesimentu no vizita ka akri ai-funan iha eroi sira-nia rate iha jardín eroi sira-nian iha Metinaro.

Notísia Relevante: Loron Nasionál Éroi: éroi foun mak servisu ba povu nia di’ak

Jornalista : Osoria Marques

Editór : Cancio Ximenes

Publisidade

Leave a Reply

Latest Post

error: Content is protected !!