Top

Timoroan hotu mantein estabilidade iha selebrasaun tinan foun 2023

Prezidente Komisaun B (Negósiu Estranjeiru, Defeza no Seguransa), José Agostinho Sequeira ‘Somotxo’, Imajen/Dok.Tatoli

DILI, 29 dezemenbru 2022 (TATOLI)—Prezidente Komisaun B trata asuntu Defeza no Seguransa, Negósiu Estranjeiru iha Parlamentu Nasionál, José Agostinho Sequeira ‘Somotxo’, apela timoroan hotu atu nafatin kontribui hodi mantein estabilidade no pás iha selebrasaun tinan foun 2023.

“Iha 31 dezembru ita festa pasajen tinan tuan ba tinan foun 2023, ne’ebé ba timoroan tomak liu-liu joven sira, pasajen tunan tuan ba tinan foun ne’e hanesan festa ida-ne’ebé iha fatin-fatin halo festa. Tanba ne’e, dalabarak iha deskontrolu ita-nia komportamentu. Tanba ne’e, hau apela liu-liu ba joven sira kontrola hodi kontribui ba estabilidade,” nia hateten ba jornalista sira, kinta ne’e.

Tanba, tuir nia, estabilidade, pás no armónia mak timoroan sira bele hamutuk dezenvolveTimor-Leste ba oin.

Iha selebrasaun festa Natál liu ba ne’e, nia dehan, hatudu ezemplu di’ak tanba ho situasaun hakmatek signifika povu tomak liu-liu joven sira kompreende no kontribui ba estabilidade iha Timor-Leste.

“Tanba Timor-Leste ne’e presiza duni hakmatek hodi selebra ka festeza loron natál liu tiha ona agradese ba joven sira hotu fó kontribuisaun ba estabilidade,” nia hateten.

Jornalista : Nelson de Sousa

Editór      : Cancio Ximenes

Publisidade

Leave a Reply

Latest Post

error: Content is protected !!