Top

Uma kain 27 iha Wenunuk seidauk aseseu eletresidade

Tékniku EDTL, E.P halo instalasaun liña eletrisidade iha área Colmera, Dili, segunda (25/10). Imajen Tatoli/António Gonçalves

DILI, 09 janeiru 2023 (TATOLI)—Xefe suku Wenunuk, postu administrativu Metinaro, munisípiu Dili, Simões Mendonça, informa durante ne’e Timor-Leste ukun rasik an tinan 20-resin ona maibé to’o agora uma kain 27 iha suku Wenunuk seidauk asesu eletrisidade tanba dook hela dook hosi liña eletresidade.

“Ita-nia xefe família (KK) hamutuk 27 iha suku Wenunuk, aldeia Wenunuk desde ukun an to’o agora la asesu ba eletrisidade,” Xefe suku ne’e informa ba Agência Tatoli liuhosi telefónika, segunda ne’e.

Xefe uma kain hirak ne’e hateten, sira labele asesu tanba dook hosi riin eletrisidade no riin sira-ne’e iha de’it vila Metinaro, nune’e sira labele hetan naroman bainhira rai kalan nakukun ona.

“Maibé ba asuntu eletrisidade ne’e, ha’u aproxima ona ho parte relevante hodi hato’o ona kestaun no preokupasaun komunidade nian ne’e, maibé ida-ne’e hein, ita la hatene bainhira mak sira bele observa no bele dada ahi ne’e ba ita-nia komunidade ne’ebé mak seidauk asesu,” nia esplika.

Kona-ba bee-moos, nia dehan, 50% komunidade iha suku Wenunuk asesu ona bee-moos no seluk kontinua halo aproximasaun ho Programa Nasionál Dezenvolvimentu Suku (PNDS) hodi dada bee-moos.

Jornalista : Osoria Marques

Editór      : Cancio Ximenes

Publisidade

Leave a Reply

Latest Post

error: Content is protected !!