Uniaun Europea disponível sai observadór ba Eleisaun Parlamentár 2023

DILI, 17 fevereiru 2023 (TATOLI)—Diretór Jerál Administrasaun Eleitorál (STAE), Acilino Manuel Branco, hateten Uniaun Europea fó resposta ba STAE katak UE disponível atu sai observadór ba Eleisaun Parlamentár 2023 ne’ebé sei realiza iha 21 maiu ne’e.

Notísia Relevante: Prezidente Repúblika dekreta loron eleisaun Parlamentár iha 21 maiu

“Liga ho ita-nia eleisaun parlamentár tinan 2023 ne’e Uniaun Europeia fó ona resposta atu mai halo observasaun ba ita-nia eleisaun ne’e,” Acilino Manuel Branco hateten ba Agência Tatoli liuhosi telefónika, sesta ne’e.

Diretór Jerál ne’e hatutan STAE fó ona pedidu ba organizasaun nasionál no internasionál sira maibé foin mak Uniaun Europeia resposta katak sira disponivel no sei mai partisipa.

“Maibé ita hein bainhira mak sira mai hatama sira-nia karta atu sai observadór,” nia hateten.

Antes ne’e, Prezidente Repúblika (PR), José Ramos Horta, segunda (13 fevereiru 2023) ne’e, ofisialmente dekreta loron eleisaun Parlamentár ne’ebé sei akontese iha loron 21 fulan maiu tinan 2023.

Xefe estadu ne’e hatutan, timoroan hotu preparadu realiza  eleisaun parlamentár 2023, tanba iha tinan 20 Timor-Leste iha esperénsia ona hala’o eleisaun hosi instituisaun rua órgaun eleitorál tane prosesu sira.

Nune’e mós, iha kuarta (15 fevereiru 2023) ne’e, Komisaun Nasionál Eleisaun (CNE) anúnsiu ona katak partidu polítiku hamutuk 24 mak sei konkorre iha eleisaun parlamentár 2023 tanba sira kompleta ona rekizitu sira.

Totál Partidu Polítiku sira-ne’ebé sei konkorre iha eleisaun parlamentár 2023 mak hanesan:

1. Partidu Milénium Democrático (PMD)
2. Partidu Liberta Povu Aileba (PLPA)
3. Partidu Democrática República de Timor (PDRT)
4. Partidu Associação Populár Monarquia Timorense (APMT)
5. Partidu Haburas Unidade Nacional Timor Oan (KHUNTO)
6. Partidu Socialista de Timor (PST)
7. Partidu ba Dezenvolvimentu Popul ár (PDP)
8. Partidu Congresso Nacional de Reconstrução de Timor Leste (CNRT
9. Partidu Republicano (PR)
10. Partidu União Democrática Timorense (UDT)
11. Partidu Democrata Cristão (PDC),
12. Partido Movimento Libertasaun Povo Maubere (MLPM)
13. Partidu da Libertação Populár (PLP)
14. Partidu Democrático (PD)
15. Partidu Unidade Nacional Democrática da Resistência Timorense (UNDERTIM)
16. Partidu do Unidade Dezenvolvimentu Demokratiku (PUDD)
17. Partidu Timorense Democrático (PTD)
18. Partidu Frente Mudança (FM)
19. Partidu Social Democrata (PSD)
20. Partidu Centro Acção Social Democrata Timorense (CASDTL)
21. Partidu do Desenvolvimento Nacional (PDN)
22. Partidu Frente Revolucionário de Timor Leste Independente (FRETILIN)
23. Partidu Os Verdes
24. Partidu Dezenvolvimentu Sosiál (PDS).

Notísia Relevante: Partidu 24 sei konkorre iha eleisaun parlamentár 2023

Jornalista : Osória Marques

Editór       : Cancio Ximenes