Jardim dos Herois iha Covalima-RAEOA seidauk konstrui tanba problema rai
DILI, 06 marsu 2023 (TATOLI)—Sekretáriu Estadu Kombatente Libertasaun Nasionál (SEAKLN), Júlio da Conceição Loro Mesak, hateten konstrusaun jardim dos herois iha territóriu nasionál halo hotu ona no balun finaliza ona maibé falta Covalima ho Rejiaun Administrativa Espesiál Oé-Cusse Ambeno (RAEOA) nian mak seidauk tanba problema rai.
“Ita hela jardin eroi Covalima ho Oé-cusse nian mak seidauk tanba problema rai. Rai ne’ebé rai-na’in fó ne’e la’ós iha tetuk maibé foho leten entaun ita halo kalkulu osan la to’o, ne’ebé sei hein no buka rai seluk mak foin kontinua fali,” Loro Mesak hateten ba Agência TatoliSEAKLN dehan ba Tatoli iha nia knaar fatin, Caicoli, Dili, segunda ne’e.
Governante ne’e hateten, parte Governu koordena ona ho rai-na’in atu buka fali rai seluk mak bele hahú konstrusaun jardim dos herois, se lae osan la to’o.
“Ita baibain tau osan ba konstrusaun ne’e rihun $450-resin maibé ne’e depende ba medida rai ne’e,” nia hateten.
Loro Mesak hateten, mezmu mandatu besik atu ramata ona maibé prosesu ba kee halibur restu mortál no konstrusaun jardin eroi kontinua la’o.
“Hakoi restu mortál prosesu kee no konstrusaun la’o nafatin. Tempu kuandu iha, ami-nia mandatu sei biban ka seidauk hotu. Ami bele hakohi maibé ita labele hatene númeru hira mak atu hakoi. Konserteja ita hakoi restu mortál ne’ebé kee ona iha territóriu nasionál no balun ne’ebé iha osuáriu jardin dos heróis sira,” nia hateten.
Jornalista : Osória Marques
Edotór : Cancio Ximenes
