Joven-EhD 200 partisipa semináriu hodi partisipa iha elesiaun inkluzivu
DILI, 13 abríl 2023 (TATOLI)—Joven feto no ema ho defisiénsia (EhD) hamutuk 200-resin, kinta neé, partisipa semináriu nasionál ho tema “Hakbiit Feto, Juventude no Ema ho Defisiénsia Sira atu Partisipa iha Eleisaun Inkluzivu ida iha Timor-Leste” iha Dili.
Semináriu refere envolve instituisaun diferensa hanesan ema ho defisiénsia, lesbian, Gay, transgender, bisexual no intersex (LGTBI+), ONG, xefe-suku feto, Asosiasaun feto, rede feto, partidu polítika, feto no akadémiku sira hasoru malu ho Komisaun Nasionál eleisaun (CNE) no Sekretariadu tékniku Administrasaun eleitorál (STAE) iha semináriu Nasionál atu promove inkluzivu iha nivel hotu-hotu.
Prezidente Grupu Feto Parlamentár Timor-Leste (GMPTL), Lidia Martins, hateten nu’udar nasaun demokrátiku haree mudansa boot iha polítika no lei atu promove feto sira-nia lideransa no partisipasaun polítika iha nivel hotu-hotu.
“Ita tenke hasa’e kualidade no partisipasaun feto hanesan mane no feto hotu iha área polítika, nune’e aumenta koñesimentu no abilidade atu servisu hamutuk sei determina susesu barak liu iha future. Seminariu ne’e atu promove eleisaun inkluzivu iha nivel hotu-hotu,” Lídia hateten ba jornalista sira, iha salaun Delta Nova, kinta ne’e.
Diretor Nasionál Interinu PITL, Fátima Estrela Soares, apresia semináriu Nasionál ne’e tanba semináriu ne’e ho objetivu atu promove partisipasaun feto, joven no ema ho defisiénsia sira iha eleisaun parlamentár.
Jornalista : Osória Marques
Editór : Cancio Ximenes
