Prezidente Horta ho komunidade musulmana komemora loron Idul Fitri
DILI, 22 abríl 2023 (TATOLI) – Prezidente Repúblika (PR), José Ramos Horta, sábadu ne’e hamutuk ho komunidade musulmana iha Embaxada Indonézia hodi komemora loron Idul Fitri.
“Ba komunidade muslumana, ha’u mai iha ne’e konvite husi Embaixadór Indonézia atu hamutuk ho imi, liliu komunidade Indonézia iha Timor-Leste kona-ba imi nia loron ida importante Idul Fitri muslumana, ida ne’e tradisaun no kultura hanesan mós eventu sira seluk katóliku, Xineza, Bodista sira nian”, PR Horta, hateten ba jornalista sira bainhira partisipa komemorasaun loron Idul Fitri iha Embaxada Indonézia, Faról.
Xefe Estadu agradese ba relijiaun hootu tanba sempre hamutuk no moris ho armónia.
Prezidente Repúblika fó bem vindo ba komunidade muslumanu Indonézia hodi kontinua iha rai ida ne’e.
“Sira hotuhotu, ida-idak kontribui di’ak ba rai ida ne’e nia dezenvolvimentu, Timor-Leste hanesan ezemplu di’ak ida ne’ebé rejiaun hotu, etnis hotu-hotu simu iha rai ida ne’e”, nia hakotu.
Jornalista: Nelson de Sousa
Editór : Zezito Silva
