iklan

EKONOMIA, HEADLINE, MUNISÍPIU, OÉ-CUSSE (RAEOA)

Autoridade RAEOA konsulta komunidade afetadu Nipani molok halo pagamentu

Autoridade RAEOA konsulta komunidade afetadu Nipani molok halo pagamentu

Autoridade RAEOA konsulta komunidade afetadu Nipani molok halo pagamentu. Imajen mídia ZEESM

OÉ-CUSSE 28 abríl 2023 (TATOLI) – Autoridade Rejiaun Administrativa Espesiál Oé-Cusse Ambeno (RAEOA), liuhosi Sekretariu Rejionál ba Asuntu Terra Propriedade, konsulta ho komunidade afetadu sira iha suku Nipani, sub-rejiaun Pante Makasar, molok halo pagamentu tanba afeta hosi implementasaun mega projetu Zona Ekonómia Espesiál Sosiál Merkadu (ZEESM) iha Oé-Cusse.

Notísia relevante: RAEOA presiza rezolusaun Governu Sentrál hafoin paga abitante afetadu projetu ZEESM

Sekretáriu Rejionál Asuntu Terra Propriedade, António Hermenegildo da Costa, hamutuk ho Sekretáriu Rejionál Asuntu Administrasaun, Martino Abani Elo, Koordenadór ekipa pagamentu afetadu estrada, Celestino Casenube, tersa ne’e konsulta komunidade afetadu alargamentu estrada urbana iha suku Nipani.

“Ita ba atu  konsulta komunidade sira tanba sira afeta ba estrada urbana iha Sakato, ne’e atu fó hatene ba lala’ok indemnizasaun tanba estrada nasionál  iha suku Nipani ne’e konstrui iha tinan 2014 mandatu Primeiru Prezidente Autoridade,” Sekretáriu Rejionál Asuntu Terra Propriedade António Hermenegildo da Costa, ko’alia iha Oé-Cusse.

Membru Autoridade RAEOA ne’e informa, estrada nasionál iha área urbana hahú hosi diresaun fronteira Sakato, suku Nipani to’o Tono, suku Cunha ba fali Ponti-Noefefan, suku Lifau,  iha mumentu ne’ebá balu simu ona direitu indemnizasaun maibé balu seiduak.

“Tán ne’e iha mandatu autoridade ida-ne’e iha hahú konsulta ho sira, tanba iha 2022 Autoridade RAEOA prevee orsamentu rihun $10, ne’e atu  fó indemnizasaun  ba alargamentu estrada,” nia katak.

Aliende ne’e mós iha tinan 2023 Autoridade RAEOA kria ona deliberasaun ida ba indemnizasaun no mós iha fulan-marsu tinan 2023 parte Terra Proriedade mós halo ona estudu komparativu iha munisipiu Covalima no Aileu hanesan baze legál hodi prosesa indemnizasaun alargamentu estrada.

“Entaun ita-nia prezensa iha suku sira atu fó hanoin ba sira, atu koopera ho ekipa tékniku ne’ebé daudaun ne’e hala’o ona levantamentu dadus atu kontribui fornese dadus saida mak hetan afeta, nune’e dezenvolvimentu kontinua la’o, no ita mós husu ba komunidade afetadu sira hotu-hotu kolabora ho ekipa pagamentu hodi nune’e pagamentu bazeila ba dadus ne’ebé ekipa halo ona levantamentu,” nia tenik.

Xefe Suku Nípani, Pedro Neno Eko, reprezenta komunidade afetadu suku Nipani agradese tanba Autoridade hahú konsulta, nune’e nia espera iha tempu badak bele halo pagamentu.

“Ita hatene iha momentu 2014, kompañia halo estrada ne’e, mós komunidade hetan informasaun liuhosi sosializasaun, entaun agora ita agradese tanba Autoridade mai konsulta fila-fali, atu prosesa ba pagamentu indemnizasaun, ami agradese, tanba komunidade kontribui ona, importante kooperasaun fó esplikasaun klaru,” no orgullu.

Notisia relevante: Autoridade RAEOA aprova deliberasaun halo pagamentu ba afetadu projetu ZEESM

Jornalista: Abílio Elo Nini

Editór: Evaristo Soares Martins

iklan
iklan

Leave a Reply

iklan
error: Content is protected !!