iklan

DILI

STAE asegura buletin votu ne’ebé hotu iha sentru votasaun

STAE asegura buletin votu ne’ebé hotu iha sentru votasaun

Diretór-Jerál STAE, Acilino Manuel Branco. Imajen Tatoli/Egas Cristóvão.

DILI, 21 maiu 2023 (TATOLI)—Diretór Sekretariadu Tékniku Administrasaun Eleitorál (STAE), Acilino Manuel Branco, rekoñese buletin votu hotu iha sentru votasaun balun maibé STAE asegura ona.

“Tebes hotu no agora ami prepara hela ne’e. Loos, iha sentru votasaun ida ka rua, iha Dili laran mak hotu maibé ami asegura ona,” nia hateten ba Agência Tatoli liuhosi telefónika, domingu ne’e.

Acilino hatutan, kestaun ne’e normal tanba ka períodu eleisaun sempre akontese nune’e.

“Ida-ne’e buat normal no lei fó dalan ba ita bele lori buletin votu ba fatin ne’ebé buletin hotu, la problema ida. Tanba ita hatene katak iha suku ida mak estabelese sentru no estasaun votasaun rua ka tolu, ne’e eleitór ida-idak hili. Ezemplu nia ema rame hili ida mak vota, konserteza sentru balun ema laiha no buletin votu nafatin. No ida-ne’ebé mak ema ba rame ne’e buletin votu hotu lalais,” nia esklarese.

Nia dehan, ida-ne’e la’ós problema boot ida tanba ne’e fiar ba STAE hodi hala’o nia servisu ho di’ak no susesu.

Jornalista : Osória Marques

Editór       : Cancio Ximenes

iklan
iklan

Leave a Reply

iklan
error: Content is protected !!