Top

Rezultadu nasionál Elpar 2023, provizoriamente CNRT lidera ho votu 63.398

Eis Primeiru-Ministru, Kay Rala Xanana Gusmão. Imajen Tatoli /Egas Cristóvão

DILI, 22 maiu 2023–(TATOLI)—Diretór Jerál Sektretariadu Tékniku Administrasaun Eleitorál (STAE), Acilino Manuel Branco, hateten tuir rezultadu nasionál eleisaun parlamentár 2023 to’o (segunda, 22 maiu) dadeer ne’e, rezultadu provizóriu hatudu Partidu CNRT kontinua lidera ho votu hamutuk 63.398 (40,24%) hosi partidu polítiku 17 ne’ebé konkorre iha eleisaun parlamentár.

“CNRT kontinua lidera ho votu maiória no rezultadu nasionál eleisaun parlamentár 2023 ne’e, partidu CNRT lidera ho votu 63.398,” Diretór Jerál STAE ne’e hateten ba Agência Tatoli liuhosi telefónika.

Tuir rezultadu votu maiória daruak mak partidu FRETILIN ho votu 44.234 (28,8%), Partidu Demokrátiku (PD) ho votu 13.179, Partidu KHUNTO 11.532 (7.32%), Partidu Libertasaun Populár (PLP) 9051 (5,75%), Partidu os Verdes (PVT) 5.8389, Partidu Unidade Dezenvolvimentu Demokrátiku (PUDD) 5078.

Partidu Asosiasaun Popular Monarkia Timorense (APMT) 1696, CASDT 728, Partidu Libertasaun Povu Aileba (PLPA) 750, Partidu Sosialista de Timor (PST) 525, Partidu Republikanu (PR) 360, Partidu Demokrata Cfristão (PDC) ho votu 301, Partidu Uniaun Demokrátiku Timorense (UDT) 252, Partidu UNDERTIM 344, Partidu Dezenvolvimentu Nasionál (PDN) 126 no Partidu Movimentu Libertasaun Maubere (MLPM) ho votu hamutuk 153.

Hosi votu hirak ne’e, votante ne’ebe tuir vopta hamutuk 160.226 (18,2%) ho votante mane hamutuk 82.360 (51,4%) no votante feto hamutuk 77.866 (48,6%) ho votu nulu 1.900 (1,19%), votu reklamadu 96 (0,06%), votu rejeitadu 14, votu nulu 1.900, votu branku 668, votu abandonadu ida (1) no votu validu hamutuk 157.545 (98,33%).

Rezultadu nasionál eleisaun parlamentár 2023 ne’e, inklui mós ho rezultadu eleisaun nasionál parlamentár hosi diaspora (Korea Súl ho votante 1,237, Irlandia do Norte ho votante 2.185, Portugál ho votante 1.241, no Reinu Unidu ho votante hamutuk 819, tanba timoroan 900-resin mak tuir resensiamentu eleitorál).

Jornalista : Osória Marques

Editór      : Cancio Ximenes

Publisidade

Leave a Reply

Latest Post

error: Content is protected !!